Apêl ar ôl i feic modur gael ei ddwyn o gyfeiriad yng Nghwmbrân

Mae Heddlu Gwent yn ymchwilio i ladrad beic modur a gafodd ei ddwyn o gyfeiriad yng Nghwmbrân cyn cael ei roi ar dân.

Cymerwyd y beic o ardd yn ardal Oakfield rhwng 2.30am a 3.30am ddydd Mawrth 6 Mai cyn iddo gael ei ddarganfod yn ddiweddarach wedi llosgi yn ardal Llantarnam.

Plât rhif y beic modur Honda CBR125 du ac arian yw AE18 UGR.

Mae swyddogion yn awyddus i siarad ag unrhyw un â gwybodaeth, gan gynnwys y tri pherson yma a welwyd yn yr ardal ar y pryd ac a allai gynorthwyo ein hymholiadau.

Os oes gennych chi fanylion, gallwch ffonio ni ar 101, anfon neges uniongyrchol ar y cyfryngau cymdeithasol neu riportio ar-lein ar ein gwefan  –  https://www.gwent.police.uk/contact/af/contact-us-beta/contact-us/ - gan grybwyll rhif cofnod 2500141566.

Fel arall, gallwch ffonio Crimestoppers yn ddienw ar 0800 555 111 neu ewch i www.crimestoppers-uk.org i riportio yn gyfrinachol.