Apêl am wybodaeth yn dilyn adroddiad am fyrgleriaeth

Mae Heddlu Gwent yn apelio am dystion, lluniau TCCC, a lluniau camera car ar ôl cael adroddiad am fyrgleriaeth yn Abertyleri.

Yn ôl pob sôn, torrodd rhywun i mewn i garej yng nghefn eiddo yn Newall Street, Abertyleri rhwng hanner nos a 5am ddydd Mercher 7 Mai.

Credir bod y bobl anhysbys wedi mynd i mewn i’r eiddo i ddechrau a dwyn yr allwedd i’r garej. Wedyn gwnaethant fynd i mewn i’r garej a dwyn beic mynydd Trek Pro- Calibre du a beic modur Honda CBR650 glas (gweler y llun).

Yn ôl y sôn, cafodd consol gemau a sbectol haul gan ddyluniwr enwog eu dwyn o gar a oedd wedi parcio yn y garej hefyd.

Mae swyddogion sy’n ymchwilio yn gofyn i unrhyw un â gwybodaeth am yr eitemau a gafodd eu dwyn, neu unrhyw un â lluniau TCCC neu gamera car, gysylltu â ni gan grybwyll rhif cofnod 2500143179.

Gallwch ein ffonio ni ar 101, riportio ar ein gwefan, neu anfon neges atom ni ar y cyfryngau cymdeithasol. Gallwch gysylltu â Crimestoppers hefyd, yn ddienw, ar 0800 555 111 neu ar-lein.