Riportio bod rhywun ar goll

Nid gwasanaeth i'w ddefnyddio gan y cyhoedd yw hwn.

Mae'r gwasanaeth yma ar gael er mwyn i’r gwasanaethau cymdeithasol, adrannau gofal cymdeithasol, cartrefi gofal, ysgolion, staff y GIG, elusennau a phartneriaid riportio bod rhywun ar goll.

Sylwch: Os byddwch chi’n cyflwyno ffurflen drwy'r gwasanaeth yma yn amhriodol, fydd y ffurflen ddim yn cael ei chodi a’i thrin gan y tîm cywir.

Ydy'r person yma ar goll?

Bernir bod rhywun ar goll os nad yw eu lleoliad nhw’n hysbys ac os nad yw'r amgylchiadau yn nodweddiadol ohonyn nhw; neu os ydych chi’n credu y gallen nhw fod wedi dioddef trosedd, neu eu bod nhw’n wynebu risg o niweidio eu hunain neu rywun arall. Rydyn ni’n eu cyfrif nhw fel rhywun sydd ar goll nes bod eu lleoliad nhw’n hysbys a’n bod ni’n gwybod eu bod nhw’n fyw ac yn iach.

Eich cyfrifoldeb chi

Pan fyddwch chi’n cyflwyno ffurflen, dydyn ni ddim wedi derbyn cyfrifoldeb dros y cais yna. Rydyn ni’n cymryd amser i asesu pob cais. Dydyn ni ddim wedi cymryd cyfrifoldeb nes ein bod ni wedi cytuno i dderbyn y cais ac wedi cadarnhau hyn gyda chi. Tan hynny, chi sy'n gyfrifol am gymryd unrhyw gamau priodol. Darllenwch ragor o wybodaeth am y dull Gofal Cywir, Person Cywir.