Riportio twyll, llwgrwobrwyo neu lygredd
Atebwch y cwestiynau hyn i ddysgu â phwy y dylech chi gysylltu os oes gennych wybodaeth am dwyll, llwgrwobrwyo neu lygredd posibl, neu os ydych chi'n credu eich bod wedi dioddef sgam neu dwyll.
Os ydych chi'n poeni y gallai rhywun weld eich hanes gwe, dyma wybodaeth am sut i guddio'r ymweliad hwn.
Offeryn cyngor
Riportio llwgrwobrwyo neu lygredd yn y gwaith (chwythu'r chwiban)
Mae riportio llwgrwobrwyo neu lygredd yn y gwaith yn cael ei adnabod fel chwythu'r chwiban.
Mae chwythwyr chwiban yn cael eu hamddiffyn gan y gyfraith - ddylech chi ddim cael eich trin yn annheg na cholli'ch swydd dim ond am eich bod wedi 'chwythu'r chwiban'.
Canllaw Llywodraeth y Deyrnas Unedig i weithwyr ar chwythu'r chwiban
Sut i chwythu'r chwiban ar lwgrwobrwyo a llygredd
Gallwch godi'ch pryder gyda'ch cyflogwr. Os nad ydych am wneud hynny, gallwch ddweud wrth rywun o fewn y corff neu'r swyddfa sy'n ymdrin â'ch sector neu'ch problem chi. Yr enw ar y rhain yw 'pobl a chyrff rhagnodedig'.
Er enghraifft, gallech ddweud wrth Awdurdod Atal Twyll y GIG am dwyll, llwgrwobrwyo neu lygredd yn y gwasanaeth iechyd yng Nghymru a Lloegr.
Rhestr o bobl a chyrff rhagnodedig ar gyfer chwythwyr chwiban
Fe allwch chi ddweud hefyd:
- wrth y Swyddfa Twyll Difrifol am achosion cymhleth ar raddfa fawr sy'n niweidio'r cyhoedd, enw da'r Deyrnas Unedig fel canolfan ariannol ryngwladol, neu economi'r Deyrnas Unedig
- wrth yr Asiantaeth Troseddu Cenedlaethol am berson neu gwmni yn y Deyrnas Unedig sy'n talu llwgrwobrwyon dros y môr i swyddogion llywodraeth dramor
Help a chymorth
Mae'r elusen Protect yn cefnogi chwythwyr chwiban.
Maen nhw'n cynnig cyngor cyfrinachol am ddim ynghylch chwythu'r chwiban ar 020 3117 2520.