Sut i riportio troseddau casineb
Drwy riportio trosedd casineb, efallai y gallwch ei atal rhag digwydd eto.
A yw’n argyfwng?
Ffoniwch 999 mewn sefyllfaoedd brys fel y rhain:
- mae yna berygl i fywyd ar hyn o bryd
- mae rhywun yn defnyddio trais neu'n bygwth bod yn dreisgar
- mae trosedd wrthi’n digwydd nawr ac mae’r sawl sydd dan amheuaeth yn dal yn y fan a’r lle
Amhariad ar y clyw neu’r lleferydd
- Os ydych chi wedi cofrestru ymlaen llaw gyda’r gwasanaeth SMSbrys, defnyddiwch ein gwasanaeth ffôn testun 18000 neu anfonwch neges destun aton ni ar 999.
- Ffoniwch 999 BSL er mwyn defnyddio cyfieithydd Iaith Arwyddion Prydain.
Gallwch chi:
- riportio trosedd casineb yn uniongyrchol i'r heddlu
- cael cymorth yn gwneud eich adroddiad
Riportio trosedd casineb yn uniongyrchol i'r heddlu
Os nad ydych yn siŵr a yw'r digwyddiad yr ydych yn ei riportio yn drosedd casineb, darllenwch beth yw trosedd casineb.
Gallwch riportio trosedd casineb, gan gynnwys trosedd casineb ar-lein a gorymdeithiau sydd wedi eu cynllunio neu ddigwyddiadau ar-lein
Fel arall gallwch chi:
- ffonio 101
- ymweld â gorsaf heddlu
Cael cymorth yn gwneud eich adroddiad
Mae'r elusennau, grwpiau a'r sefydliadau isod yn gallu cynnig cymorth, cyngor a ffyrdd i riportio'r digwyddiad heb orfod siarad yn uniongyrchol â'r heddlu.
Cymorth arall
Rydym yn deall nad ydych efallai’n barod i siarad â ni am yr hyn sydd wedi digwydd. Gall yr elusennau, grwpiau a sefydliadau isod gynnig cefnogaeth, cyngor a ffyrdd i riportio’r digwyddiad heb orfod siarad yn uniongyrchol â’r heddlu.
Cymorth lleol
Cyswllt Gwent
Cymorth i ddioddefwyr troseddau ym Mlaenau Gwent, Caerffili, Sir Fynwy, Casnewydd a Thorfaen.
Cymorth Cymru-gyfan
Gwybodaeth Anhwylder y Sbectrwm Awtistiaeth Cymru
Cymorth os ydych ar y sbectrwm.
Hafan Cymru
Helpu pobl i fyw’n dda.
Age Cymru
Cefnogaeth ar gyfer dinasyddion hŷn.
Dolenni defnyddiol eraill
Crimestoppers
Elusen genedlaethol sydd â llinell gymorth am ddim ar gyfer riportio troseddau’n ddienw.
Tell MAMA
Prosiect cenedlaethol sy’n cefnogi dioddefwyr casineb gwrth-Fwslimiaeth a monitro digwyddiadau gwrth-Fwslimiaeth.
Community Security Trust (CST)
Elusen sy’n diogelu Iddewon Prydeinig rhag digwyddiadau gwrth-semitiaeth a bygythiadau cysylltiedig.
Galop
Elusen genedlaethol sy’n darparu cyngor a chefnogaeth i aelodau o’r gymuned LHDT.
True Vision
Cynllun sy’n eiddo i national police chief's council sy’n darparu cyngor troseddau casineb a chyfleuster adrodd ar-lein.