Riportio digwyddiad traffig ffyrdd
Os ydych chi wedi bod yn gysylltiedig â digwyddiad traffig ffyrdd, neu'n credu y gallech fod wedi bod yn dyst i drosedd ar y ffyrdd, dysgwch sut i riportio’r peth drwy ddefnyddio’n hadnodd ar-lein syml. Atebwch y cwestiynau cyflym isod i sicrhau ein bod yn rhoi'r cyngor cywir ichi ac yn casglu'r holl fanylion perthnasol.
Offeryn cyngor
Riportio digwyddiad traffig ffyrdd a throsedd bosib heb dystiolaeth
Diolch. Os ydych wedi cyfnewid manylion gyda’r bobl oedd yn gysylltiedig â’r digwyddiad, nid oes angen i chi ddweud wrth yr heddlu. Gweler y Ddeddf Traffig Ffyrdd 1988, Adran 170 am fanylion pellach.
Serch hynny, os ydych yn credu bod trosedd wedi’i chyflawni a arweiniodd at y digwyddiad, gallwch ei riportio fan hyn.
Sut i riportio
Gallwch ei riportio:
- ar-lein - cliciwch 'Dechrau' isod i gychwyn
- yn eich gorsaf heddlu leol
- drwy ddweud wrth gwnstabl yr heddlu
Beth fyddwn yn gofyn i chi amdano
Gwnewch yn siŵr bod y manylion canlynol ar gael, os yn bosibl:
- dyddiad ac amser y digwyddiad
- rhif cofrestru a model eich cerbyd
- rhif cofrestru a model unrhyw gerbydau eraill sy’n gysylltiedig â’r digwyddiad
- manylion cyswllt y person arall, neu’r bobl eraill sy’n gysylltiedig â’r digwyddiad
Beth fydd yn digwydd i’ch adroddiad ar-lein
Byddwn yn adolygu beth rydych chi wedi'i anfon atom ac yn asesu os gallwn gymryd unrhyw gamau.
Sylwer, gan nad oes unrhyw dystiolaeth o’r digwyddiad, ni allwn erlyn unrhyw un am drosedd yrru. Serch hynny, os derbyniwn unrhyw wybodaeth newydd efallai y byddwn yn cysylltu ac yn ymchwilio ymhellach i'ch adroddiad.
Ar ôl i chi gyflwyno adroddiad ar y wefan hon, byddwch yn gallu lawrlwytho copi ohono. Dyma fydd yr adroddiad gwrthdrawiad. Byddwch yn gallu anfon yr adroddiad hwnnw at eich cwmni yswiriant neu gyfreithiwr.
Pa mor hir mae'n ei gymryd i lenwi'r ffurflen hon
Amser cwblhau ar gyfartaledd: 10 munud.
Pan fyddwch chi'n barod, cliciwch 'Dechrau' i gychwyn.