Gwneud cais am iawndal am rywbeth mae’r heddlu wedi’i wneud

Mewn rhai sefyllfaoedd, mae’n bosibl y gallwch chi hawlio iawndal am rywbeth mae’r heddlu wedi’i wneud oedd yn ddamweiniol neu’n anghyfreithlon mewn rhyw ffordd.

Mae’n annhebygol y bydd iawndal yn cael ei dalu os cafodd y difrod neu’r anaf eu hachosi wrth i’r heddlu weithredu’n gyfreithlon.

Yr hyn y gallwch wneud cais amdano

Gallwch ofyn i’r heddlu am iawndal am bethau fel:

• eiddo sydd wedi’i golli neu wedi’i ddifrodi (ee, mae’r heddlu wedi mynd â’ch ffôn symudol i gael tystiolaeth ohono a chawsoch chi mono yn ôl)
• mynediad drwy rym (ee, cafodd y cyfeiriad anghywir ei roi i’r heddlu ac fe chwalon nhw’ch drws ffrynt trwy gamgymeriad)
• gwrthdrawiad traffig ffordd (ee, wrth ymlid rhywun yn gyfreithlon, mae car heddlu wedi gwyro ac wedi difrodi’ch car chi, oedd wedi’i barcio)
• camarestiad (ee, rydych chi'n credu nad oedd unrhyw reswm cyfreithiol i'r heddlu eich arestio)

Sut i wneud cais

Ar-lein

Gwasanaethau Cyfreithiol
Pencadlys Heddlu Gwent
Heol Tyrpeg
Croesyceiliog
Cwmbrân
NP44 2XJ

Beth sy’n digwydd ar ôl ichi wneud cais

Byddwn yn ateb gyda rhif cyfeirnod ac enw, rhif ffôn a chyfeiriad ebost y cyfreithiwr, y triniwr hawliadau neu’r person arall sy’n delio â’ch cais.

Mewn rhai achosion, efallai y byddwn yn anfon eich cais at gyfreithwyr allanol i’w drin ar ein rhan. Os felly, fe fyddan nhw’n ysgrifennu atoch gyda’r wybodaeth yma. O’r adeg honno ymlaen, gohebwch â’r person sy’n trin yr hawliad, gan gofio dyfynnu eich rhif cyfeirnod bob amser.

Byddwn yn ymchwilio i unrhyw hawliad dilys yn ein herbyn ac rydyn ni’n ceisio datrys y rhan fwyaf o hawliadau heb fod angen dechrau achos cyfreithiol. A dweud y gwir, mae’r llysoedd yn disgwyl i’r ddau barti geisio datrys anghydfod heb fynd i’r llys.

Dyna pam rydyn ni’n gofyn ichi roi manylion llawn eich cais a chaniatáu amser rhesymol inni ymchwilio a negodi cyn ichi ddechrau achos cyfreithiol yn ein herbyn.

Bydd rhai ceisiadau yn dilyn y rheolau gweithdrefn sifil (CPR) yma.

Achosion cyfreithiol

Os byddwch chi’n penderfynu dechrau achos cyfreithiol yn ein herbyn, anfonwch y manylion at:

Gwasanaethau Cyfreithiol
Pencadlys Heddlu Gwent
Heol Tyrpeg
Croesyceiliog
Cwmbrân
NP44 2XJ

Mae adran Gwasanaethau Cyfreithiol Heddlu Gwent wedi’i hawdurdodi i weithredu ar ran y prif gwnstabl ym mhob achos sifil, gan gynnwys adolygiadau barnwrol a hawliadau sifil eraill.