Amodau mynediad

Dull adnabod ffotograffig

Rhaid i chi ddangos dull adnabod ffotograffig a bydd methu â gwneud hynny yn golygu y byddwch yn cael eich gwahardd o’r gwrandawiad.

Mae’n bosibl na fydd unrhyw un y credir ei fod yn peri risg diogelwch i’r heddlu yn cael bod yn bresennol.

Cyfleusterau

Mae’r lleoliad a ddewiswyd wedi’i ddewis am nifer o resymau gan gynnwys parcio a mynediad i bobl anabl. Fodd bynnag, ni ellir gwarantu y gellir diwallu anghenion pob unigolyn ar bob achlysur.

Lluniaeth

Nid oes lluniaeth ar gael. Atgoffir y rheini sy’n dewis dod â’u lluniaeth eu hunain na cheir bwyta bwyd nac yfed yn ystafell y gwrandawiad.

Anifeiliaid anwes

Nid yw’r lleoliad yn addas ar gyfer anifeiliaid anwes o unrhyw fath ac eithrio cŵn tywys.

Plant

Ni chaniateir i bobl o dan 18 oed fynychu. Ni theimlir bod y lleoliad a’r achlysur yn addas ar gyfer pobl ifanc a gallai natur yr amgylchiadau a drafodir weithiau mewn gwrandawiadau achosi trallod.

Swyddogion sy’n gwasanaethu a staff heddlu

Caniateir i swyddogion a staff heddlu fynychu dim ond os nad ydynt yn barti â diddordeb. Yn ogystal, rhaid i unrhyw bresenoldeb fod yn eu hamser eu hunain ac ar eu cost eu hunain. Anogir aelodau staff i beidio â mynychu er mwyn sicrhau cymaint â phosibl o le ar gyfer y cyhoedd.

Preifatrwydd

Dylai aelodau’r cyhoedd fod yn ymwybodol y gallai’r sawl sy’n cadeirio’r gwrandawiad fod wedi penderfynu ymlaen llaw na ddylai rhannau ohono gael eu clywed yn gyhoeddus neu, yn ystod y gwrandawiad, ofyn i aelodau’r cyhoedd adael tra bod mater penodol yn cael sylw.

Ffonau symudol

Rhaid i bob ffôn symudol gael ei ddiffodd neu ei dawelu yn ystafell y gwrandawiad. Ni chaniateir recordio sain na lluniau ar unrhyw adeg.

Gorfod gadael y cyfleuster

Gall unrhyw ymddygiad sy’n ymyrryd, neu sy’n debygol o ymyrryd â’r ffordd briodol o gynnal yr achos arwain at orfod gadael.