Beth i’w wneud pan fydd rhywun yn mynd ar goll
Does dim rhaid i chi aros 24 awr i riportio bod person ar goll.
Os ydych chi’n poeni bod rhywun mewn perygl, gallwch riportio bod person ar goll ar unwaith.
Riportio bod person ar goll
Os yw’r person sydd ar goll mewn perygl uniongyrchol, yn blentyn ifanc neu’n agored i niwed, ffoniwch 999 nawr.
Os oes gennych nam ar eich clyw neu’ch lleferydd, defnyddiwch eich gwasanaeth ffôn testun 18000 neu anfonwch neges destun atom ar 999 os ydych chi wedi cofrestru ymlaen llaw gyda'r gwasanaeth SMSbrys.
Os nad ydych chi’n meddwl eu bod mewn perygl uniongyrchol, gallwch wneud y canlynol:
P’un ai os ydych chi’n riportio ar-lein neu’n ffonio 101, bydd ein hystafell reoli yn delio â chi yr un modd yn union.
Os byddwch chi’n riportio ar-lein, byddwch chi’n cael ebost yn cadarnhau ein bod wedi derbyn eich gwybodaeth ac yn rhoi gwybod i chi beth fydd yn digwydd nesaf.
Ac efallai y bydd yn haws i chi ateb y cwestiynau ar-lein ar eich cyflymder eich hun.
Os ydych chi’n poeni am ddiogelwch rhywun, rhowch wybod i ni ar unwaith. Nid ydych chi’n gwastraffu amser yr heddlu wrth roi gwybod bod person ar goll. Rydyn ni yma i’ch amddiffyn chi a’ch anwyliaid.
Beth allwch chi ei wneud
Os nad ydych chi’n pryderu bod rhywun mewn perygl uniongyrchol, cyn i chi riportio bod person ar goll dylech wneud y canlynol:
- ffonio ffrindiau a theulu
- chwilio drwy eich ebost a’ch ffôn am negeseuon
- chwilio'r cartref neu lle bynnag y cafodd ei weld ddiwethaf
- chwilio'r atig, yr ardd, y sied neu'r garej
- cofiwch y gall plant ffitio ym mhob twll a chornel
- chwilio am unrhyw nodiadau neu gliwiau eraill
- ffonio ysbytai lleol cyfagos
Os yn bosib, gwnewch nodyn o bopeth.
Peidiwch â tharfu’n ormodol ar ystafell y person sydd ar goll na’i bethau rhag ofn y bydd angen i ni gymryd sampl DNA.
Nid yw mynd ar goll yn erbyn y gyfraith
Ni fydd person sydd ar goll yn mynd i drwbl nac yn cael ei arestio am fynd ar goll. Rydyn ni’n poeni fwy am les y person sydd ar goll.
Nid ydych chi’n gwastraffu amser yr heddlu wrth roi gwybod bod person ar goll. Fyddwch chi ddim mewn trwbl am riportio bod person ar goll.