Cadetiaid yr heddlu

Mae ein rhaglen cadetiaid yn cynnig profiad unigryw, ymarferol o blismona i bobl ifanc.

Ein nod yw:

• ysbrydoli hyder, cyfrifoldeb a dinasyddiaeth weithredol,
• cynnig gwirfoddoli ystyrlon a gweithredu cymdeithasol dan arweiniad pobl ifanc,
• creu cysylltiadau cryf rhwng pobl ifanc, eu cymunedau, a'r heddlu,
• rhoi cipolwg ar dimau plismona a rolau arbenigol.

Beth mae cadetiaid yn ei wneud:

• heriau adeiladu tîm ac arweinyddiaeth,
• cefnogi digwyddiadau cymunedol lleol,
• dysgu gan adrannau arbenigol fel:
• safleoedd troseddau
• hyfforddiant trefn gyhoeddus
• adran cŵn
• gweithdai ar ymwybyddiaeth o gyffuriau/alcohol, perthnasoedd iach, a rheoli arian.

Byddwch yn datblygu sgiliau gwerthfawr ym maes cyfathrebu, gwaith tîm, gwneud penderfyniadau, a datrys problemau.

Gall cymryd rhan gyfrannu at Wobr Cyflawniad Ieuenctid, Gwobr Dug Caeredin, a Bagloriaeth Cymru.

Rydym yn croesawu pobl ifanc o bob cefndir, gan gynnwys y rhai sy'n agored i droseddu neu allgau cymdeithasol.

Rydym yn annog ceisiadau yn arbennig gan:

• bobl ifanc o dreftadaeth ethnig,
• pobl ifanc anabl a niwroamrywiol,
• unrhyw un sydd â diddordeb mewn cyfrannu'n gadarnhaol i'w cymuned.

Rydym yn addasu gweithgareddau lle bo angen, mae lleoliadau'n hygyrch, ac mae sesiynau treialu ar gael i'r rhai sy'n teimlo'n bryderus am ymuno.

Mae pedair uned cadetiaid yn yr ardaloedd canlynol:

• Torfaen – Dydd Mawrth, Vantage Point Cwmbrân - 5:30pm
• Blaenau Gwent – Dydd Mawrth, Gorsaf Heddlu Glynebwy - 5:30pm
• Casnewydd – Dydd Mercher, Gorsaf Heddlu Canolog Casnewydd - 5:30pm
• Caerffili - Dydd Mercher, Coleg Ystrad Mynach - 5:30pm

Gofynion mynediad

• 13–17 oed (derbynnir ceisiadau ar gyfer pobl ifanc sy'n mynd i Flwyddyn 9 yn y mis Medi canlynol)
• Diddordeb mewn plismona neu ymgysylltu â'r gymuned
• Ymrwymiad i gydraddoldeb, amrywiaeth a chynrychiolaeth gadarnhaol Heddlu Gwent

Bydd Cadetiaid yn gadael yn 18 oed ond gallant symud ymlaen i rolau Arweinydd Cadet, Gwirfoddolwr Cymorth yr Heddlu, neu Gwnstabl Gwirfoddol.

Mae’n rhaid i bob ymgeisydd gwblhau ffurflen gais cadét a holiadur meddygol.

Gofynnir i gadetiaid nodi pa uned y byddent yn dymuno ymuno â hi ar y ffurflen gais. Ar ôl pasio’r cam gwirio, cewch eich ychwanegu at restr aros ar gyfer eich yr uned honno. Pan fyddwn wedi derbyn y nifer angenrheidiol o ymgeiswyr ar gyfer carfan, fe fyddwn ni’n cysylltu â chi’n uniongyrchol i roi gwybodaeth i chi am ymuno.

Mae'r rhaglen am ddim.

Mae pob Cadet yn cael iwnifform am ddim, gan gynnwys esgidiau.

Darperir manylion llawn unwaith y bydd cofrestru wedi'i gwblhau.

O bryd i’w gilydd, efallai y bydd angen i chi ddod â'ch cinio neu fyrbrydau eich hun ar gyfer teithiau arbennig wedi'u cynllunio. Bydd rhybudd yn cael ei roi bob amser ar gyfer y teithiau hyn.

• mae pob gweithgaredd yn cael asesiad risg llawn,
• mae cadetiaid yn cael eu goruchwylio bob amser gan arweinwyr hyfforddedig,
• mae rhieni/gofalwyr yn derbyn asesiadau risg ac yn llofnodi ffurflenni caniatâd ar gyfer gweithgareddau y tu allan i sesiynau rheolaidd,
• nid yw cadetiaid byth yn cael eu rhoi mewn sefyllfaoedd sy'n ymwneud â gwrthdaro,
• mae gweithgareddau awyr agored yn cael eu harwain gan staff cymwysedig, sydd ag yswiriant, yn unig.

Mae Heddlu Gwent yn dilyn fframwaith diogelu Cadetiaid Heddlu Gwirfoddol Cenedlaethol, gan sicrhau cysondeb o ran hyfforddiant, goruchwylio a riportio.

Mae pob Arweinydd Cadetiaid yn cael ei fetio a gwiriadau DBS manwl.

Rydym yn gweithio'n agos gyda'r Rheolwr Diogelu Cenedlaethol i gynnal safonau uchel o ddiogelu ieuenctid.

Perygl uniongyrchol: Ffoniwch 999

Pryderon nad ydynt yn rhai brys:

• Ffoniwch 101
• Ebost:   [email protected]

Gwasanaethau cymorth eraill:

• NSPCC: 0808 800 5000 | [email protected]
• Childline: 0800 1111
• Swyddfa Annibynnol ar gyfer Ymddygiad yr Heddlu: 0300 020 0096 | [email protected]