Staff yr heddlu
Nid gwaith i swyddogion yr heddlu yn unig yw plismona. Mae’n gofyn am dîm amlddisgyblaethol mawr yn cydweithio ac yn gwneud y defnydd gorau o’r sgiliau a’r adnoddau sydd ar gael. Yn wir, mae cyfran fawr o’n gweithlu yn cynnwys staff mewn lifrai a staff nad ydynt mewn lifrai. Mae’r swyddogaethau hyn yn chwarae rhan hollbwysig wrth gefnogi plismona rheng flaen.
Mae swyddogaethau staff yn amrywio’n enfawr – gan gynnwys swyddogion cyfathrebu a swyddi ym maes Adnoddau Dynol, arbenigwyr seiber a swyddogion y ddalfa, cymorth gwyddonol a swyddogion caffael. Gallai eich sgiliau, eich profiad a’ch arbenigedd chi fod yr union beth rydym yn chwilio amdano.
Rydym ni wedi ymrwymo i fod â gweithlu sy’n cynrychioli’r cymunedau yr ydym yn eu gwasanaethu. Wrth wneud hyn, rydym yn annog unigolion o’n cymunedau anabl ac LHDT i ystyried cyfleoedd yn y dyfodol. I gael rhagor o wybodaeth, cysylltwch â’n tîm gweithredu cadarnhaol.
Gweithio i Heddlu Gwent
Rydym yn croesawu ceisiadau gan bobl o bob cefndir, diwylliant, crefydd, oedran, rhywedd a chyfeiriadedd rhywiol. Fodd bynnag, mae rhai amodau cymhwysedd y bydd angen i bob ymgeisydd eu bodloni, felly mae angen i chi wirio eich bod yn bodloni ein gofynion cyn cyflwyno cais.
- Mae angen i chi fod yn 16 oed neu’n hŷn i wneud cais.
- Dylai ymgeiswyr fod yn Ddinasyddion Prydeinig, neu fod â phasbort gwlad sy’n Aelod Wladwriaeth lawn o’r UE. Cewch hefyd wneud cais os ydych yn ddinesydd y Gymanwlad neu’n ddinesydd tramor sy’n byw yn y DU â chaniatâd amhenodol i aros.
- Mae’n rhaid eich bod wedi byw yn y DU am dair blynedd barhaus yn y cyfnod yn union cyn ymgeisio.
- Os oes gennych gofnod troseddol, nid yw hyn yn golygu eich bod yn anghymwys yn awtomatig. Mae’n dibynnu ar natur eich euogfarn. Datganwch unrhyw rybudd neu euogfarn a gawsoch ar eich ffurflen gais. Bydd peidio â gwneud hynny yn golygu eich bod yn methu’r broses archwilio oherwydd materion uniondeb.
- Os ydych yn cael trafferth gyda dyled, efallai y byddwch yn dal yn cael gwneud cais. Mae angen i chi roi tystiolaeth i ni o’ch gallu i reoli eich dyledion yn llwyddiannus. Fodd bynnag, os oes gennych unrhyw Ddyfarniadau Llys Sirol yn weddill neu os ydych yn fethdalwr heb ei ryddhau, rydych yn anghymwys yn awtomatig.
- Nid yw tatŵs sy’n sarhaus, yn ddi-chwaeth, yn amlwg neu’n niferus yn dderbyniol. Rhowch luniau a mesuriadau o unrhyw datŵs ynghyd â’ch cais.
Mae rhan fwyaf y swyddi gyda’r heddlu yn destun cyfnod prawf o chwe mis. Efallai y bydd angen cyfnod prawf hirach ar gyfer rhai swyddi arbenigol.
Gwent Police offer a range of training and development to ensure staff reach their fullest potential:
- Tailored personal development programmes
- Coaching and Mentoring opportunities .
- Perform – Performance Appraisal system to identify and agree development opportunities and help you achieve your goals
- Talent Management Programme
- Post Entry Training Funding available
Y broses ymgeisio
- I lwyddo ar y cam hwn, bydd angen i chi lenwi ffurflen gais cymhwysedd.
- Os byddwch yn pasio’r meini prawf cymhwyster sylfaenol, byddwn yn asesu’ch atebion i’r cwestiynau cymhwysedd (manylir yn y disgrifiad o’r swydd).
- Sylwer, os ydych yn gwneud cais am swydd ar radd 5 neu is (caiff hyn ei nodi yn yr hysbyseb), dim ond y meini prawf gofynnol y bydd gofyn i chi eu dangos (cyrhaeddiad, gwybodaeth a phrofiad fel arfer, er y caiff yr union fanylion eu cadarnhau ym mhroffil y swydd).
- Ceisiwch ateb y cwestiynau mor ofalus ac mor llawn ag y gallwch.
- Byddwch yn ymwybodol hefyd o’ch sillafu a’ch gramadeg.
Os ydych yn ymgeisio am swydd fel gweithredwr yn yr ystafell gyfathrebu, bydd gofyn i chi lwyddo mewn sesiwn asesu cyn cael eich gwahodd i gyfweliad.
Bydd asesiad y ganolfan asesu yn dechrau gyda gweithgaredd sydd wedi’i gynllunio i deimlo’n gyfforddus – ni fydd yn cyfrannu at y marciau ond ei fwriad yw cyflwyno ac er mwyn i ymgeiswyr a staff ymlacio. Yn dilyn hyn, bydd disgwyl i chi gwblhau pedwar gweithgaredd asesu gwahanol, a bydd pob un yn cael ei esbonio i chi ar y pryd.
- Bwriad yr asesiad cyntaf yw profi eich gallu i ddirnad a chofnodi gwybodaeth berthnasol o alwadau ffôn prawf.
- Mae’r ail asesiad yn profi eich proses feddwl/rhesymeg. Bydd angen i chi asesu sefyllfaoedd a defnyddio’ch barn i bwyso a mesur y sefyllfa yn ôl meini prawf penodol.
- Mae’r trydydd yn brawf o’ch gallu i amldasgio. Bydd disgwyl i chi wrando ar wybodaeth a dewis y manylion perthnasol a’u cofnodi yn y lle cywir.
- Mae’r pedwerydd yn brawf o’ch sgiliau gwrando a bysellfwrdd lle byddwch yn gwrando ar drawsgrifiad y bydd gofyn i chi deipio ar gyflymder o tua 30 gair y funud. Caiff camgymeriadau sillafu eu cosbi yn y gweithgaredd hwn.
Bydd hwn yn gyfweliad sy’n seiliedig ar gymhwysedd yn unol â’r cymwyseddau a hysbysebir sy’n berthnasol i’r swydd (manylir arnynt yn y disgrifiad o’r swydd). Hefyd, gall hyn gynnwys rhai cwestiynau a gynlluniwyd i’n helpu i ddarganfod mwy am eich sgiliau a’ch priodoleddau.
Mae pwysigrwydd gonestrwydd ac uniondeb yn cael ei wneud yn glir trwy gydol ein proses ymgeisio. Mae swyddogion yn ddarostyngedig i'r Safonau Ymddygiad Proffesiynol, sy'n nodi'n glir beth y gall cymunedau ei ddisgwyl gan eu swyddogion.
Bydd angen i bawb sy'n ymuno â Heddlu Gwent gwblhau proses fetio diogelwch.
Mae'n ddefnyddiol dechrau casglu'r canlynol gan y bydd eu hangen fel rhan o'r broses:
- Hanes eich cyfeiriadau am y pum mlynedd diwethaf
- Manylion eich incwm a'ch gwariant misol
- Manylion eich cynilion a'ch benthyciadau
- Ydych chi erioed wedi cael eich datgan yn fethdalwr neu wedi cael Dyfarniad Llys Sirol (CCJ)? Dewch o hyd i’r prawf o’r ddyled yn cael ei rhyddhau
- Manylion unrhyw gyflogaeth arall neu fuddiannau busnes
- Eich partner a hanes cyfeiriadau’r 5 mlynedd diwethaf.
Manylion eich teulu/ffrindiau/cymdeithion, h.y.:
- Eich rhieni a rhieni eich partner
- Eich brodyr a chwiorydd llawn, hanner a llys chwiorydd/brodyr
- Eich plant (os ydynt dros 10 oed)
- Pob cyd-breswylydd yn eich cyfeiriad presennol (e.e. lletywyr)
- Unrhyw gymdeithion troseddol
- Unrhyw rybuddion, euogfarnau neu Hysbysiadau Cosb Benodedig.
Manylion unrhyw gyswllt blaenorol â'r heddlu, e.e.:
- Os ydych erioed wedi cael eich arestio
- Os ydych chi erioed wedi bod yn rhan o ymchwiliad
- Unrhyw droseddau traffig (ac eithrio troseddau parcio)
Yn dilyn cyfweliad, bydd angen i chi ddarparu manylion pobl all roi geirda i chi am gyfnod o dair blynedd, a llwyddo mewn proses archwilio diogelwch drylwyr. Yn ogystal, ar gyfer rhai swyddi efallai y bydd gofyn i chi fynd i apwyntiad cyffuriau a biometrig (sy’n ffurfio proses archwilio uwch) ac apwyntiad archwiliad iechyd i sicrhau y caiff unrhyw addasiadau rhesymol eu hargymell a’u trefnu cyn penodi.
Pan fyddwch chi wedi cwblhau’r holl wiriadau cyn cyflogi, byddwch yn symud i gam nesaf y broses.
Ar gyfer swyddi mewn lifrai, byddwch yn cael lle gyda’r garfan nesaf sydd ar gael ac yn cael apwyntiad i fesur a ffitio lifrai.
Gwybodaeth ychwanegol
Caiff ein hamcanion cydraddoldeb ac amrywiaeth eu gorfodi drwy Fwrdd Cydraddoldeb ac Amrywiaeth sefydledig. Mae hyn yn dangos ein hymrwymiad i sicrhau ein bod bob amser yn trin ein cydweithwyr a’r cyhoedd â thegwch, urddas a pharch.
Darperir ein rhaglen cymorth i weithwyr gan CareFirst ac am ddim i bawb ac mae ar gael 24 awr y dydd drwy gydol y flwyddyn. Mae’r rhaglen yn darparu cymorth cyfrinachol ar gyfer problemau a all effeithio ar berfformiad, iechyd, a lles meddyliol ac emosiynol.
Mae gennym ni Uned Iechyd a Lles Galwedigaethol i’ch helpu i gynnal eich iechyd corfforol a seicolegol wrth weithio. Mae’r gwasanaeth yn gyfrinachol ac yn cynnwys gwasanaeth cwnsela.
Nod y tîm Iechyd Galwedigaethol yw cefnogi presenoldeb ac effeithiolrwydd drwy weithio’n rhagweithiol i leihau risgiau iechyd ac annog pobl i fod yn gyfrifol am eu hiechyd, eu ffitrwydd a’u lles eu hunain. Rydych chi hefyd yn gymwys i gael prawf llygaid am ddim.
Mae llawer o dimau chwaraeon i chi ymuno â nhw, gan gynnwys rhedeg, hoci, pysgota a phêl-droed. Mae cyfleusterau campfa am ddim hefyd mewn nifer o’n safleoedd.
Mae gennym ni bolisi absenoldeb mamolaeth alwedigaethol llawn ar gael i holl weithwyr Heddlu Gwent. Cyfanswm o 52 wythnos o amser mamolaeth: 18 wythnos ar gyflog llawn, 21 wythnos o dâl mamolaeth statudol, a 13 wythnos o ddim cyflog. Mae hyn yn amodol ar hyd gwasanaeth. Mae gennym ni hefyd bolisi absenoldeb ar gyfer mabwysiadu.
Mae amrywiaeth o gymdeithasau, rhwydweithiau a grwpiau sy’n cynorthwyo ein gweithlu ac mae gan Heddlu Gwent ystod o fentrau a chynlluniau i helpu cyd-weithwyr i ddatblygu.
Mae ein rhwydweithiau staff yn cynnig cymorth a chyfeillgarwch i’n swyddogion, y staff a’r gymuned leol. Maen nhw’n gweithio i gynorthwyo a chynghori cydweithwyr yn genedlaethol ac rydym yn falch o’r rhan weithredol sydd ganddyn nhw o ran dylanwadu ar blismona ledled y DU.
Mae’r rhwydweithiau a’r cymdeithasau yn cynnwys:
- Rhwydwaith Cymorth Anabledd
- Menywod Gwent ym Maes Plismona (GWiP)
- Cymdeithas Lleiafrifoedd Ethnig Gwent (GEMA)
- Rhwydwaith LHDT
- Cymdeithas Gristnogol yr Heddlu
- Grŵp Cymorth Iechyd Meddwl
- Chwaraeon yr Heddlu Gwent
- Cymdeithas Uwch-arolygwyr Heddlu Gwent
- Rhwydwaith Siaradwyr a Dysgwyr Cymraeg
- Unison a
- Ffederasiwn yr Heddlu.
Dim ond Swyddogion yr Heddlu all ymuno â Ffederasiwn yr Heddlu, os ydych chi’n penderfynu ymuno â Ffederasiwn yr Heddlu, gallwch ddewis ymuno â chynllun yswiriant bywyd a’r dyfarniadau yn daladwy i’ch priod neu’ch partner, ac i unrhyw ddibynyddion. Yn ogystal â gallu cael yswiriant salwch ac afiechyd hanfodol, gallwch gael yswiriant, ar gost ffafriol, i dalu am unrhyw dreuliau cyfreithiol sy’n gysylltiedig â’ch swydd, a gallwch hefyd ddefnyddio’r cyfleusterau adsefydlu gorau.
I hybu teithiau iachus i’r gwaith, mae Heddlu Gwent a Cycle Solutions wedi gweithio gyda’i gilydd i ddarparu cyfle i staff a swyddogion gael gostyngiad mawr oddi ar bris beic ac offer diogelwch, gan wasgaru’r gost dros 18 mis.
Gostyngiadau sefydliadol a ffordd o fyw gan gynnwys aelodaeth i gampfeydd (yn ogystal â champfeydd ar y safle), bwytai, prydau parod, teithio, cynhyrchion ariannol, cynllun gofal llygaid a mwy.
Pan fyddwch yn ymuno â Heddlu Gwent, byddwn yn sicrhau bod ystod eang o fuddion ar gael i chi.
Staff yr heddlu:
- Gwyliau blynyddol - Ar gyfer swyddi gweinyddol, mae gwyliau blynyddol yn dechrau ar 24 diwrnod, ac yn cynyddu i 29 diwrnod, yn dibynnu ar hyd eich gwasanaeth. Mewn swyddi gradd uwch, mae’r lwfans gwyliau blynyddol yn cynyddu.
- Gwyliau banc - Mae Heddlu Gwent yn caniatáu amser o’r gwaith ar gyfer wyth gŵyl gyhoeddus/banc statudol, a bennwyd ymlaen llaw gan Lywodraeth y DU, fel a ganlyn.
- Mae gweithwyr rhan-amser yn cael gwyliau banc ar sail pro-rata.
Swyddogion yr heddlu:
- Gwyliau blynyddol - 22 diwrnod, sy’n cynyddu gyda hyd y gwasanaeth i 30 diwrnod.
- Gwyliau banc - 8 diwrnod o wyliau cyhoeddus/ banc statudol, i’w cymryd ar y diwrnod penodedig, neu os bydd yn digwydd ar eich diwrnod gwaith yna cewch gymryd gwyliau ar ddiwrnod arall. Bydd gweithwyr rhan-amser yn cael gwyliau banc yn ôl cyfran.
Gall cyflogeion ymuno â’r Cynllun Pensiwn Llywodraeth Leol, sy’n gynllun pensiwn cyfrannol.
Mae Heddlu Gwent yn sylweddoli pwysigrwydd cydbwysedd rhwng bywyd a gwaith ac mae ganddo bolisïau da ar gyfer mamolaeth/tadolaeth, absenoldeb rhiant a rennir, amser i ofalu am y rhai sy’n dibynnu arnoch, gostyngiad gwirfoddol mewn oriau gwaith, yr hawl i wneud cais i weithio’n hyblyg ac i rannu swydd.
Yn dibynnu ar y swydd yr ydych yn gwneud cais amdani, bydd oriau gwaith amrywiol. Bydd rhai swyddi, fel y rhai yn ein Hystafell Gyfathrebu, er enghraifft, ar batrwm sifftiau sefydlog, tra bod gan lawer o swyddi swyddfa (hyd at swyddi prif swyddogion) y fantais o weithio oriau hyblyg a gweithio ystwyth.
Mae hyblygrwydd yn dibynnu ar y swydd.
Heb ddod o hyd i’r hyn yr oeddech yn chwilio amdano?
Os oes gennych chi gwestiynau am y broses recriwtio, anfonwch e-bost atom.
Gallwch hefyd ein dilyn ni ar Facebook a X i gael yr wybodaeth ddiweddaraf ar y broses recriwtio a gweithgareddau'r heddlu yn eich ardal chi.