Grwpiau Ffocws Dioddefwyr: Lleisiwch eich barn

Lleisiwch eich barn yn ein grwpiau ffocws dioddefwyr a gynhelir yn hwyrach yn y mis.

Rydym am glywed am eich profiadau a'ch barn ar y ffordd rydym yn ymchwilio i drais domestig a thrais rhywiol.

Bydd eich barn a'ch safbwyntiau'n ein helpu ni i wella ein hymateb er mwyn sicrhau ein bod yn cadw pobl yn ddiogel rhag niwed.

Bydd y grwpiau ffocws rhithwir nesaf yn digwydd:

• Dydd Llun, 30 Tachwedd am 6pm
• Dydd Mercher, 2 Rhagfyr am 6pm

Bydd y grwp yn cael ei redeg gan Drefnydd Ymgysylltu â Goroeswyr y llu a bydd yn gyfrinachol.

Dywedodd Liz Lowther, Trefnydd Ymgysylltu â Goroeswyr: “Rydym wedi cael ymateb gwych gan oroeswyr yn ystod y grwpiau ffocws rydym wedi eu cynnal dros yr ychydig fisoedd diwethaf.  Mae'r adborth wedi dylanwadu ar ein gwasanaeth gan gynnwys helpu i wella hyfforddiant ar gyfer swyddogion a staff.

"Mae eich barn yn bwysig iawn i ni a bydd yn helpu i wella'r gwasanaeth rydym yn ei gynnig i ddioddefwyr cam-drin domestig a cham-drin rhywiol.

"Yn y grwpiau ffocws nesaf byddwn hefyd yn trafod cynlluniau arfaethedig i greu gr?p cyfeirio dioddefwyr. Nod y grwp arfaethedig hwn fydd cynnal cyfarfodydd rheolaidd gyda dioddefwyr i glywed sut gall eu profiadau lywio newid a gwelliannau ar draws y llu o ran gofal i ddioddefwyr.

“Rydym am gynnig y gwasanaeth gorau posibl i ddioddefwyr a hoffwn annog unrhyw un â diddordeb mewn cymryd rhan yn y grwpiau ffocws i gysylltu â mi am ragor o wybodaeth am y digwyddiad. Os nad ydych yn gallu bod yn bresennol ond am leisio barn ar eich profiad, cysylltwch â mi.”

Gall unrhyw un â diddordeb mewn cymryd rhan gysylltu â Liz Lowther trwy ffonio 0300 1232133 neu drwy gyfrwng e-bost [email protected]

Os ydych yn ddioddefwr, neu os ydych yn pryderu am rywun, gallwch ffonio llinell gymorth Byw Heb Ofn 24/7 am gyngor a chymorth;

0808 80 10 800
Neges destun 0786 007 7333
E-bost [email protected]
Sgwrs fyw https://crowd.in/klN2Q4

Gallwch ffonio Heddlu Gwent ar 101 hefyd neu anfon neges uniongyrchol atom ar Facebook neu Twitter. Ffoniwch 999 bob tro mewn argyfwng.