Tri o bobl yn y llys yn dilyn gwarantau cyffuriau Casnewydd

Mae tri o bobl wedi ymddangos yn y llys ar gyhuddiad o gynllwynio i gyflenwi cyffuriau dosbarth A.

Mae dau ddyn, 28 a 46 oed, ynghyd â menyw 28 oed, y tri ohonynt o Gasnewydd, wedi cael eu cyhuddo o gynllwynio i gyflenwi cyffur a reolir dosbarth A - heroin.

Ymddangosodd y tri ohonynt yn Llys Ynadon Casnewydd ddydd Sadwrn, 6 Chwefror.

Cawsant eu cadw yn y ddalfa nes eu hymddangosiad nesaf yn y llys ar 8 Mawrth.

Arestiwyd wyth o bobl yn rhan o Ymgyrch Alkane - ymchwiliad i gyflenwad cyffuriau dosbarth A.

Gweithredodd swyddogion warantau cyffuriau mewn saith cyfeiriad trwy Gasnewydd gyfan ddydd Iau, 4 Chwefror.

Atafaelwyd cyffuriau dosbarth A yn rhan o'r ymgyrch.

Y pump arall a gafodd eu harestio:

• Arestiwyd dyn 34 oed ar amheuaeth o gynllwynio i gyflenwi cyffur dosbarth A ac mae wedi cael ei ryddhau ar fechnïaeth.
• Arestiwyd dwy fenyw 30 oed ar amheuaeth o gynllwynio i gyflenwi cyffur a reolir dosbarth A ac maent wedi cael eu rhyddhau tra bod ymchwiliad yn parhau
• Arestiwyd dyn 48 oed ar amheuaeth o gynllwynio i gyflenwi cyffur dosbarth A ac mae wedi cael ei ryddhau tra bod ymchwiliad yn parhau.
• Arestiwyd dyn 42 oed ar amheuaeth o ymwneud â chyflenwi cyffur dosbarth A ac mae wedi cael ei ryddhau tra bod ymchwiliad yn parhau.