Gorchmynion cau ar gyfer gyfeiriad yng Nhasnewydd

Cafodd tŷ yn Lôn y Brenin, Casnewydd ei gau i fyny’r wythnos ddiwethaf yn dilyn cais llwyddiannus am orchymyn cau yn Llys Ynadon Casnewydd.

Caniatawyd y gorchymyn cau tri mis ar 13 Hydref ar ôl i nifer o gŵynion gael eu gwneud ynghylch ymddygiad gwrthgymdeithasol yn y cyfeiriad. Cafodd y tŷ ei gau i fyny ddydd Mawrth 19 Hydref.

Yn ystod cyfnod y gorchymyn, gall unrhyw un sy’n ceisio mynd i mewn i’r adeilad yn groes i’r gorchymyn gael ei arestio gan yr heddlu.

Meddai Rhingyll Casnewydd, Chris Butt:

“Mae lefel uchel o ymddygiad gwrthgymdeithasol cysylltiedig â’r adeilad hwn wedi cael effaith negyddol ar ansawdd bywyd trigolion Lôn y Brenin am nifer o fisoedd. Mae swyddogion wedi gweithio gyda thrigolion a phartneriaid i gael y gorchymyn cau hwn.

“Rwyf yn gobeithio bod hyn yn sicrhau trigolion os oes ganddyn nhw bryderon am eiddo problemus sy’n achosi niwed i’r gymuned, y gallant riportio’r mater a byddwn yn gweithio’n galed gyda’n partneriaid i gymryd camau gweithredu.

“Mae mynd i’r afael ag ymddygiad gwrthgymdeithasol yn flaenoriaeth gennym a gofynnaf yn daer ar unrhyw un ag unrhyw bryderon i gysylltu â ni.”

Sut i riportio ymddygiad gwrthgymdeithasol?

📞 ffonio 101

💻 ar-lein ar http://orlo.uk/hkPwl

📲 neges uniongyrchol ar Facebook/Twitter 

Ydych chi wedi cael eich effeithio gan ymddygiad gwrthgymdeithasol?

Mae cymorth ar gael gan Connect Gwent 📞 0300 123 21 33.