TEYRNGED: ‘Roeddem wir yn ei garu a byddwn yn gweld ei golli’n ofnadwy’
Cynnwys y prif erthygl
Mae teulu Mathew Rawlings, a fu farw mewn gwrthdrawiad traffig ffyrdd ar yr A40 ddydd Llun 17 Ionawr, wedi talu teyrnged iddo gan ei ddisgrifio fel ‘gŵr annwyl a thad cariadus’.
Aeth swyddogion i safle gwrthdrawiad traffig ffyrdd ar yr A40 rhwng Y Fenni a Rhaglan tua 2pm dydd Llun 17 Ionawr.
Digwyddodd ar y gerbytffordd tua’r dwyrain ac un car oedd yn y gwrthdrawiad - Mercedes E220 ystad lliw arian.
Aeth swyddogion i’r safle, ynghyd â pharafeddygon o Wasanaeth Tân ac Ambiwlans Cymru a gadarnhaodd fod dyn 49 oed o Box, Wiltshire wedi marw yn y fan a’r lle.
Gallwn gyhoeddi mai ei enw yw Mathew Rawlings. Mae ei deulu agosaf wedi cael eu hysbysu ac maent yn derbyn cymorth gan swyddogion arbenigol.
Mae ei deulu wedi cyhoeddi’r deyrnged ganlynol iddo:
“Roedd Mat yn ŵr annwyl a thad cariadus i ddau o blant hyfryd.
“Roeddem wir yn ei garu a byddwn yn gweld ei golli’n ofnadwy.
“Rydym yn ddiolchgar am y negeseuon o gefnogaeth ar yr adeg hon ond gofynnwn i gael llonydd i’r teulu allu galaru’n breifat."
Mae ein hapêl am dystion yn parhau a gofynnir i unrhyw un ag unrhyw wybodaeth am y gwrthdrawiad gysylltu â ni.
Gofynnwn i unrhyw un a allai fod wedi gweld y gwrthdrawiad, neu unrhyw fodurwr gyda delweddau camera car a oedd yn defnyddio’r A40 rhwng 1.45pm a 2.15pm a rhwng Y Fenni a Rhaglan, gysylltu â ni.
Gallwch ein ffonio ar 101 neu anfon neges uniongyrchol atom ar Facebook neu Twitter, gan grybwyll rhif cofnod 2200018109, gydag unrhyw fanylion.
Fel arall, gallwch ffonio Crimestoppers yn ddienw ar 0800 555 111.