‘Roedden ni’n mor lwcus i fod yn rhieni iddo’

Mae teulu Richard Marc Ash, 57, wedi talu teyrnged iddo, gan ei ddisgrifio fel ‘person hyfryd’.

Mae teulu dyn a fu farw yng Nghaerffili ddydd Sul 17 Gorffennaf wedi ei ddisgrifio fel dyn ‘hyfryd’.

Galwyd swyddogion i gyfeiriad yn Long Row, Elliots Town, tua 00.40 ar ôl i ddyn gael ei ddarganfod yn ddiymateb.

Aeth parafeddygon Gwasanaeth Ambiwlans Cymru i’r lleoliad a chadarnhau bod dyn 57 oed wedi marw; gallwn gadarnhau yn awr mai Richard Marc Ash yw ei enw.

Mae ei rieni wedi rhyddhau’r deyrnged ganlynol iddo:

“Roedd Richard Marc yn berson mewnblyg, hyfryd. Roedd fy ngwraig a minnau mor lwcus i fod yn rhieni iddo.

“Mae pawb oedd yn adnabod Richard Marc yn llawn canmoliaeth am y math o ddyn oedd ef.

“Roedd yn berson hyfryd a byddwn yn ei gofio fel hynny am byth.”

Rydym wedi lansio ymchwiliad llofruddiaeth ac arestiwyd menyw 31 oed o Gaerffili ar amheuaeth o lofruddiaeth.

Cafodd ei chyhuddo o’r drosedd hon yn hwyrach a chafodd ei chadw yn y ddalfa ar ôl ymddangos gerbron Llys y Goron Casnewydd.

Nid ydym yn chwilio am unrhyw un arall mewn perthynas â’r digwyddiad hwn ar hyn o bryd.