Hysbysiad cau wedi’i gyflwyno i ddeliwr metel diolch i bwerau newydd

O dan y ddeddf hon gallodd ein swyddogion a’r tîm Safonau Masnach gyflwyno hysbysiad cau i’r perchennog tir.

Yn dilyn pryderon gan y cyhoedd, ddydd Mawrth gweithredodd ein tîm Dangos y Drws i Drosedd a thîm Safonau Masnach Cyngor Caerffili warant mewn safle anghyfreithlon yn Rhymni, Caerffili, o dan y Ddeddf  Delwyr Metel Sgrap 2013.

O dan y ddeddf hon, roedd ein swyddogion a’r tîm Safonau Masnach yn gallu cyflwyno hysbysiad cau i’r perchennog tir, a fydd yn peidio â masnachu yn awr ac yn gweithio ochr yn ochr â Cyfoeth Naturiol Cymru i glirio’r safle. Os na fydd yn gwneud hynny byddwn yn gallu symud ymlaen trwy broses y llysoedd.

Mae’r ddeddfwriaeth i’w gweld yma: Scrap Metal Dealers Act 2013 (legislation.gov.uk)

Mae ein tîm Dangos y Drws i Drosedd yn parhau i weithio’n agos gyda gwerthwyr nwyddau ail law a masnachwyr sgrap ledled Gwent, yn rhoi canllawiau iddynt ac yn rhannu mwy o wybodaeth gyda nhw. Mae hyn yn atal nwyddau sydd wedi’u dwyn rhag cael eu hail werthu, gan ei gwneud yn anoddach i droseddwyr elwa ar drosedd. Mae ein tîm DyDiD hefyd yn adolygu pob achos o ddwyn ar draws y llu ac yn anfon rhybuddion am nwyddau wedi’u dwyn at bob gwerthwr nwyddau ail law.

I weld y tîm yn gweithio, edrychwch yma.

Os oes gennych chi unrhyw bryderon, e-bostiwch [email protected]