Witness appeal after Newport robbery
Cynnwys y prif erthygl
Rydyn ni’n ymchwilio i adroddiad am ladrad a ddigwyddodd yn Bellevue Terrace, Casnewydd tua 4.30pm ddydd Mercher 5 Ebrill.
Rydyn ni’n ymchwilio i adroddiad am ladrad ar ôl i dri bachgen yn eu harddegau fynd i fyny at ddyn 28 oed y tu allan i Glwb Cymdeithasol Pill Harriers a’i fygwth gyda chyllell, yn ôl y sôn, a chymryd ei waled a’i ffôn. Cafodd y dioddefwr fân anaf i’w law.
Hoffai swyddogion siarad â’r bechgyn hyn yn awr, ynghyd â gyrrwr tacsi, a oedd yn yr ardal ar y pryd, ac a allai helpu eu hymholiadau.
Arestiwyd bachgen 14 oed o Gasnewydd mewn cysylltiad â’r digwyddiad hwn a chafodd ei ryddhau ar fechnïaeth yn ddiweddarach.
Os gwelsoch chi unrhyw beth neu os oes gennych chi unrhyw wybodaeth a allai helpu ein hymchwiliad, ffoniwch 101, neu anfonwch neges uniongyrchol atom ni ar Facebook neu Twitter, gan grybwyll 2300109445.
Neu ffoniwch Crimestoppers yn ddienw ar 0800 555 111