Newport man given Criminal Behaviour Order

Mae dyn o Gasnewydd wedi derbyn Gorchymyn Ymddygiad Troseddol am dair blynedd ar ôl ymddwyn yn wrthgymdeithasol ac yn fygythiol yng nghanol y ddinas.

Cyflwynwyd y Gorchymyn i Robin Benger, 35, yn Llys Ynadon Casnewydd ddydd Gwener 18 Awst 2023.

Mae’r gorchymyn yn nodi’r canlynol:

• Rhaid iddo beidio â chysylltu ag unrhyw orsaf Heddlu Gwent, na mynd i unrhyw orsaf, ac eithrio ar gyfer riportio argyfwng neu drosedd go iawn neu os gofynnir iddo wneud hynny gan swyddog heddlu.
   
• Rhaid iddo beidio â chysylltu ag Ysbyty Brenhinol Gwent, Casnewydd nac Ysbyty Athrofaol y Faenor, Cwmbrân, na mynd iddynt nac ar eu tir ac eithrio ar gyfer riportio argyfwng meddygol go iawn, ac nid i achosi unrhyw broblemau ymddygiad gwrthgymdeithasol difrifol neu ymyriad difrifol â rhediad yr ysbyty o ddydd i ddydd.

• Rhaid iddo beidio â chardota gan unrhyw berson mewn man cyhoeddus o fewn dinas Casnewydd, naill ai yn agored neu yn oddefol.
   
• Rhaid iddo beidio â mynd i unrhyw un o’r strydoedd canlynol yn ninas Casnewydd:

• High Street
• Upper Dock Street
• Cambrian Road
• Bridge Street
• Skinner Street
• Friar's Walk
• John Frost Square
• Kingsway
• Canolfan Siopa Kingsway (ac eithrio ar gyfer mynd i apwyntiadau a drefnwyd ymlaen llaw yn y ganolfan waith, ac ni chaiff fod yn bresennol mwy na 15 munud cyn neu ar ôl yr apwyntiad hwnnw).
   

• Rhaid iddo beidio ag ymddwyn mewn unrhyw ffordd sy’n debygol o achosi niwsans, braw, aflonyddu neu ofid difrifol i unrhyw berson o fewn dinas Casnewydd.
  
  

Meddai Cwnstabl Heddlu Max O'Hagan, Swyddog Lleihau Trosedd ac Anhrefn ar gyfer Casnewydd:
 

“Mae ymddygiad di-baid a gwrthgymdeithasol Benger wedi achosi problemau i siopau, busnesau ac aelodau’r cyhoedd sy’n ymweld â chanol ein dinas, felly rwy’n gwybod y bydd y gorchymyn yma’n cael ei groesawu.

“Ni fyddwn yn gwneud cais am Orchymyn Ymddygiad Troseddol oni bai bod pob ymdrech arall wedi methu. Cyn hynny rydyn ni’n gweithio gyda’n partneriaid i geisio ymgysylltu ag unigolion fel Benger a rhoi cymorth iddyn nhw.

“Rydyn ni wedi ymroi i wneud Casnewydd yn lle diogel a dymunol i bawb ac mae gorfodi’r gorchymyn yma’n rhan o’r ymroddiad yna."

Dylai unrhyw un sy’n gweld Benger yn torri’r gorchymyn yma ffonio 101, neu anfon neges uniongyrchol atom ni ar Facebook neu X (Twitter).