#WythnosYmwybyddiaethYG | Diwrnod 1

Mae ein timau plismona cymdogaeth wedi bod yn brysur yn cymryd rhan mewn gwahanol weithgareddau ar gyfer Wythnos Ymwybyddiaeth Ymddygiad Gwrthgymdeithasol (YG).

Bob dydd mae ein swyddogion heddlu a swyddogion cefnogi cymuned yn ymgysylltu â thrigolion, ysgolion a busnesau lleol, cynnal ymgyrchoedd a gweithio gyda sefydliadau partner i gynnig gweithgareddau i helpu i leihau ymddygiad gwrthgymdeithasol a chodi ymwybyddiaeth o'i effaith ar ansawdd bywyd bob dydd. Yr wythnos yma rydyn ni'n manteisio ar y cyfle i ddangos rhai enghreifftiau o sut rydyn ni'n gwneud hyn.

Dyma rai o'r pethau y bu ein timau'n eu gwneud ddydd Llun, cadwch eich llygaid ar agor am fwy i ddod trwy'r wythnos yma...

 - Ymunodd swyddogion Betws â Gwasanaeth Tân ac Achub De Cymru i ddenu pobl oddi wrth ymddygiad gwrthgymdeithasol a nodi/lleihau unrhyw dargedau tanau bwriadol a difrod troseddol posibl.

 - Aeth ein swyddogion cyswllt ysgolion i Ysgol Gynradd Maesycwmer i siarad â'r plant am beth yw ymddygiad gwrthgymdeithasol a sut mae'n gallu effeithio ar bobl eraill.

 - Aethom i ymweld â'r tîm Heddlu Bach yn Ysgol Gynradd Parc Tredegar, Dyffryn - roedd yn hyfryd eich gweld chi!

- Gwnaed tri atgyfeiriad ymddygiad gwrthgymdeithasol yn dilyn difrod a tharfu yn Aldi, Bedwas.

 - Gweithiodd swyddogion gyda United Welsh yn dilyn adroddiadau am ymddygiad gwrthgymdeithasol yn ardal Bedwas.

 - Cynhaliwyd gwiriadau cyflymder ym Machen a Draethen yn dilyn pryderon gan drigolion yno.

 - Aeth ein fan gemau i Barc Coffa Rhyfel Rhymni lle siaradodd swyddogion â phobl ifanc lleol a gofyn iddyn nhw sut maen nhw'n credu y dylid mynd i'r afael ag ymddygiad gwrthgymdeithasol yn yr ardal - diolch am eich syniadau!

 - Gweithiodd swyddogion Dwyrain Casnewydd ochr yn ochr â Chartrefi Dinas Casnewydd i godi ymwybyddiaeth o ymddygiad gwrthgymdeithasol a chanlyniadau tipio anghyfreithlon.

 - Gwnaethom gynnal cymhorthfa agored yn Shaftesbury i drafod unrhyw broblemau neu bryderon lleol.

 - Aeth swyddogion dinas Casnewydd ar batrôl ym maes parcio Prifysgol De Cymru yn dilyn cwpwl o adroddiadau am ddifrod troseddol.

 - Cafodd swyddogion eu herio i gêm o bêl-fasged gan y tîm yng Nghlwb Ieuenctid Cyswllt Cymunedol Dyffryn – ‘dyw hi dal ddim yn glir pwy enillodd!

Gwaith gwych pawb!

#WythnosYmwybyddiaethYG