Dyn o Gasnewydd wedi’i garcharu am lofruddiaeth

Llofruddiodd Andrew Southwood Carl Ball yn ei gartref ym mis Awst 2022 a derbyniodd ddedfryd o isafswm o 20 mlynedd yn y carchar.

Mae dyn o Gasnewydd wedi derbyn dedfryd o garchar am oes am lofruddio Carl Ball.

Ymddangosodd Andrew Southwood, 39, yn Llys y Goron Caerdydd ddydd Iau 20 Gorffennaf ar gyfer gwrandawiad dedfrydu ar ôl i reithgor ei gael yn euog o lofruddiaeth.

Llofruddiodd Southwood Carl Ball, 51, y tu allan i’w gartref yng Nghasnewydd ddydd Gwener 19 Awst 2022.

Meddai Ditectif Uwch-arolygydd Nick Wilkie, yr uwch swyddog ymchwilio yn yr achos: 

“Nid yw Andrew Southwood wedi dangos unrhyw edifeirwch am ei drosedd a cheisiodd gamarwain swyddogion wrth iddyn nhw ymchwilio i amgylchiadau marwolaeth Carl Ball.

“Yn y pen draw arweiniodd y catalog o dystiolaeth a gasglwyd tan y tîm ymchwilio ac a gyflwynwyd i’r rheithgor at euogfarn i Southwood.

"Gwaith swyddogion heddlu yw cadw’r cyhoedd yn ddiogel ac mae dyletswydd arnom ni i amddiffyn pob aelod o’n cymunedau os bydd trosedd yn cael ei chyflawni.

"Mae’r achos yma’n enghraifft o gymryd y gyfraith yn eich dwylo eich hun – mae un bywyd wedi’i golli a bydd un arall yn cael ei dreulio yn y carchar.

“Yn ystod yr achos yma mae’r teulu wedi clywed manylion poenus am farwolaeth eu hanwylyn a chydymdeimlwn â nhw. Gobeithio y bydd canlyniad yr achos yn eu helpu nhw i symud ymlaen gyda’u bywydau."

Derbyniodd Southwood ddedfryd o garchar am oes am lofruddiaeth a bydd yn treulio isafswm o 20 mlynedd yn y carchar.