"Roedd gwên fawr ar ei wyneb bob amser."

Hoffai swyddogion sy’n ymchwilio i wrthdrawiad marwol siarad ag unrhyw fodurwyr a oedd yn teithio ar Ffordd Pontnewydd rhwng 5pm a 6pm ddydd Mercher 15 Mawrth.

Rydym yn apelio am wybodaeth i gynorthwyo ein hymholiadau i wrthdrawiad traffig ffyrdd marwol yn Y Fenni ddydd Mercher 15 Mawrth.

Aeth swyddogion i leoliad gwrthdrawiad, ar Heol Pontnewydd, tua 6pm, a oedd yn ymwneud ag un cerbyd -  beic cwad Honda coch.

Aeth parafeddygon o Wasanaeth Ambiwlans Cymru yno hefyd, ac aethpwyd â dyn 50 oed i'r ysbyty lle bu farw'n ddiweddarach.

Gellir cyhoeddi yn awr mae Jason Hughes yw ei enw ac mae ei deulu wedi cyhoeddi’r deyrnged ganlynol iddo:

"Roedd dad, a oedd yn cael ei adnabod fel 'Yozzer’ gan y rhan fwyaf o bobl, yn chwarae rhan enfawr yn y gymuned ffermio leol yn Forest Coalpit a Llanddewi Nant Hodni.

"Roedd wastad yn hapus i helpu ac roedd gwên fawr ar ei wyneb bob amser.

"Roedd Dad yn ddyn mor weithgar ac mae ein calonnau wedi torri o fod wedi ei golli mewn damwain mor drasig.

"Hoffem ddiolch i bawb a helpodd Dad yn safle’r ddamwain a diolch enfawr hefyd i dîm gofal critigol Uned Gofal Dwys Ysbyty Athrofaol Cymru. Roedd y gofal a'r tosturi a ddangoswyd i dad, ac i mam, yn wirioneddol eithriadol.

"Caru ti Dad - Morgan xxx"

Mae ei deulu agosaf yn parhau i dderbyn cymorth gan swyddogion arbenigol.

Gofynnwn i unrhyw un a allai fod wedi gweld y gwrthdrawiad, neu unrhyw un â lluniau CCTV neu gamera car a oedd yn yr ardal rhwng 5pm a 6pm, gysylltu â ni.

Gallwch ein ffonio ar 101 neu anfon neges uniongyrchol atom ar Facebook neu Twitter, gan grybwyll rhif cofnod 2200247542 gydag unrhyw fanylion.

Fel arall, gallwch ffonio Crimestoppers yn ddienw ar 0800 555 111.