Apêl am dystion ar ôl gwrthdrawiad Casnewydd

Mae swyddogion yn apelio ar unrhyw un â gwybodaeth neu luniau camera car yn dilyn gwrthdrawiad traffig ffyrdd ar East Dock Road, Casnewydd tua 6.50pm dydd Iau 9 Tachwedd, i gysylltu â ni.

Rydyn ni’n apelio am dystion ar ôl gwrthdrawiad traffig ffyrdd ar East Dock Road, Casnewydd, tua 6.50pm, dydd Iau 9 Tachwedd.

Cafodd swyddogion eu galw i safle gwrthdrawiad rhwng car a cherddwr.

Aethpwyd â’r cerddwr, dyn 40 oed, i’r ysbyty gydag anafiadau difrifol.

Yn ôl y sôn gadawodd y gyrrwr y safle ar ôl y gwrthdrawiad a chredir mai Mercedes AMG lliw tywyll oedd y car.

Mae ymholiadau’n parhau ac rydyn ni’n gofyn i unrhyw un a welodd y gwrthdrawiad, neu unrhyw fodurwyr â lluniau camera car a oedd yn defnyddio East Dock Road rhwng 6.30pm a 6.50pm, gysylltu â ni.

Gallwch ein ffonio ni ar 101 neu anfon neges uniongyrchol atom ni ar Facebook neu Twitter, gan grybwyll rhif cofnod 2300382748 gydag unrhyw fanylion. 

Fel arall, gallwch ffonio Crimestoppers yn ddienw ar 0800 555 111.