Apêl am dystion yn dilyn gwrthdrawiad yn Nhrefynwy

Mae ymchwilwyr eisiau siarad ag unrhyw fodurwyr a oedd yn teithio ar Heol Staunton, Trefynwy, rhwng 11.30am a 12.00pm dydd Sul 12 Tachwedd, neu unrhyw un â lluniau camera car neu TCCC.

Rydyn ni’n apelio am dystion yn dilyn gwrthdrawiad traffig ffyrdd ar Heol Staunton, Trefynwy tua 12pm dydd Sul 12 Tachwedd. 

Aeth swyddogion i safle’r gwrthdrawiad, ynghyd â phersonél o Wasanaeth Ambiwlans Cymru, Ambiwlans Awyr Cymru a Gwasanaeth Tân ac Achub De Cymru. 

Un car oedd yn y gwrthdrawiad - Ford Fiesta arian. 

Cadarnhaodd parafeddygon bod teithiwr yn y car, dyn 19 oed o ardal Ceredigion, wedi marw yn y fan a’r lle. Mae ei deulu agosaf wedi cael gwybod ac maen nhw’n derbyn cymorth gan swyddogion arbenigol.  

Mae dyn 19 oed o ardal Ceredigion wedi cael ei arestio ar amheuaeth o achosi marwolaeth drwy yrru peryglus a gyrru tra’r oedd dros y terfyn alcohol a chyffuriau cyfreithiol. Mae yn y ddalfa ar hyn o bryd. 

Rydyn ni’n gofyn i unrhyw un a allai fod wedi gweld y gwrthdrawiad, neu unrhyw fodurwyr â lluniau camera car a oedd ar Heol Staunton rhwng 11.30am a 12pm gysylltu â ni. 

Gallwch ein ffonio ni ar 101 neu anfon neges uniongyrchol atom ni ar Facebook neu Twitter, gan grybwyll rhif cofnod 2300385485 gydag unrhyw fanylion. 

Fel arall, gallwch ffonio Crimestoppers yn ddienw ar 0800 555 111.