Gorchymyn cau i ddau eiddo yng Nghasnewydd

Mae dau eiddo yng Nghasnewydd a oedd y gysylltiedig â nifer o gŵynion am ymddygiad gwrthgymdeithasol wedi cael eu cau yn dilyn gorchymyn llys.

Cafodd y gorchmynion cau, a fydd yn parhau mewn grym am dri mis, eu caniatáu ddydd Llun 4 Medi ar gyfer cyfeiriadau yn Tetbury Close a Shaftesbury Walk ar ôl i nifer o gŵynion gael eu gwneud am ddefnyddio cyffuriau ac ymddygiad gwrthgymdeithasol yn yr adeiladau.

Bydd unrhyw un sy’n ceisio mynd i mewn i’r adeiladau yma yn groes i’r hysbysiad yn gallu cael eu harestio gan yr heddlu yn ystod cyfnod y gorchymyn cau.

Meddai Cwnstabl Heddlu Claire Drayton, y Swyddog Lleihau Trosedd ac Anhrefn ar gyfer Pilgwenlli:

“Rydyn ni wedi cael nifer o alwadau gan y gymuned ynghylch ymddygiad gwrthgymdeithasol a defnyddio cyffuriau yn gysylltiedig â’r cyfeiriadau yma. Mae’r ymddygiad yma’n cael effaith negyddol ar ansawdd bywyd trigolion ac ni fydd yn cael ei oddef yn ein cymunedau.

“Rwy’n gobeithio y bydd hyn yn tawelu meddwl trigolion os oes ganddyn nhw unrhyw bryderon ynghylch eiddo sy’n peri problemau, gallan nhw riportio’r mater a byddwn yn gweithio’n galed gyda’n partneriaid i gymryd camau gweithredu.

“Mae mynd i’r afael ag ymddygiad gwrthgymdeithasol yn flaenoriaeth i ni a gofynnaf yn daer ar unrhyw un ag unrhyw bryderon i gysylltu â ni.”

Gallwch riportio ymddygiad gwrthgymdeithasol drwy:

📞 ffonio 101

💻 defnyddio’r system riportio ar-lein

📲 anfon neges uniongyrchol atom ni ar Facebook neu Twitter.

Os ydych chi wedi cael eich effeithio gan ymddygiad gwrthgymdeithasol, mae cymorth ar gael trwy Cyswllt Gwent:

📞 ffôn 0300 123 21 33

💻 gwefan www.connectgwent.org.uk.