TEYRNGED: Dyn o Gwmbrân a oedd yn wyneb cyfarwydd ac annwyl yn y dref

Mae teulu Graham Crowley, a fu farw mewn gwrthdrawiad yng Nghwmbrân dydd Iau 13 Mehefin, yn dweud ei fod wedi byw yn y dref am bron i 50 mlynedd.

Mae teulu dyn a fu farw mewn gwrthdrawiad ar Cocker Avenue, ger cyffordd Henllys Way yng Nghwmbrân, wedi talu teyrnged iddo, gan ei ddisgrifio fel wyneb cyfarwydd ac annwyl yn y dref.

Aeth swyddogion i safle gwrthdrawiad traffig ffyrdd rhwng tri cherbyd – Caterham Seven glas, Hyundai Tucson glas a fan Ford Transit – ar Cocker Avenue tua 6pm dydd Iau 13 Mehefin.

Cyhoeddwyd bod gyrrwr y Caterham Seven, dyn 75 oed o Gwmbrân, wedi marw yn y fan a’r lle.

Gellir cyhoeddi yn awr mai ei enw yw Graham Crowley; mae ei deulu agosaf wedi cael eu hysbysu ac maen nhw’n derbyn cymorth gan swyddogion arbenigol.

Mae teulu Graham wedi talu teyrnged iddo, gan ddweud:

"Roedd Graham yn byw yng Nghwmbrân am bron i 50 mlynedd ac roedd yn wyneb cyfarwydd ac annwyl yn y dref.

"Rydym wedi ein syfrdanu a’n tristau gan ei farwolaeth sydyn ond mae’n gysur i ni ei fod yn y car a oedd yn golygu cymaint iddo pan fu farw."

Graham Crowley

Mae ymholiadau i’r gwrthdrawiad yn parhau ac rydym yn gofyn i unrhyw un a allai fod wedi gweld y gwrthdrawiad neu a oedd ar Cocker Avenue a Henllys Way yng Nghwmbrân rhwng 5.45pm a 6.10pm dydd Iau 13 Mehefin, gysylltu â ni.

G all unrhyw un â lluniau camera car neu TCCC perthnasol gysylltu â ni drwy ffonio 101 neu anfon neges uniongyrchol atom ni ar Facebook neu X, gan grybwyll rhif cofnod 2400195496.