Apêl am wybodaeth ar ôl difrod i gar heddlu yng Nghasnewydd

Mae swyddogion yn ymchwilio i adroddiad am ddifrod troseddol i gar heddlu â lifrai yn Aberthaw Road, Casnewydd, tua 3.10pm dydd Mercher 30 Hydref.

Credir bod person anhysbys wedi taflu bricsen at gar heddlu â lifrai a oedd wedi parcio yn y maes parcio yng ngorsaf heddlu Alway.

Doedd dim swyddogion yn y car ar y pryd ac ni chafwyd unrhyw adroddiad am anafiadau, ond achoswyd difrod i do’r car.

Mae swyddogion eisiau siarad â’r person yma (gweler y llun), a oedd yn yr ardal adeg y digwyddiad.

Roedd y person yn reidio beic oddi ar y ffordd oren ac yn gwisgo mwgwd a chot North Face lliw tywyll.

Meddai Uwch-arolygydd Jason White:

“Mae car heddlu â lifrai’n fwy na rhywbeth mae swyddogion yn ei ddefnyddio i fynd i ddigwyddiadau brys yn unig, mae’n adnodd sy’n ein helpu ni i gadw ein cymunedau’n ddiogel.

“Mae’r gweithredoedd difeddwl yma o ymddygiad gwrthgymdeithasol yn cael effaith uniongyrchol ar ein gallu i ymateb i drosedd gan fod angen i bob un o’n cerbydau sy’n cael eu difrodi gael eu trwsio.

“Fel adnodd cyhoeddus, yn anffodus y trethdalwr sy’n gorfod mynd i’w boced i gynorthwyo i drwsio cerbydau mewn digwyddiadau o ddifrod troseddol fel hwn.”

Os ydych chi’n adnabod y person ar y beic, neu os oes gennych chi wybodaeth a allai helpu ein hymchwiliad, cysylltwch â ni ar y wefan, ffoniwch 101, neu anfonwch neges uniongyrchol atom ni ar Facebook neu X, gan grybwyll rhif cofnod 2400361548.

Fel arall, gallwch ffonio Crimestoppers gyda gwybodaeth, yn ddienw, ar 0800 555 111.