Cyhuddo pump dyn yn dilyn gwarantau ym Mlaenau Gwent
Cynnwys y prif erthygl
Mae swyddogion sy'n ymchwilio i grŵp sydd yn cael ei amau o gyflawni troseddau cyfundrefnol, sy'n gweithredu ym Mlaenau Gwent, wedi cyhuddo pum dyn o gynllwynio i gyflenwi cyffuriau dosbarth A.
Fe wnaeth swyddogion plismona cymdogaeth gynnal gwarantau mewn pum eiddo mewn lleoliadau ar draws Brynmawr a Thredegar fore ddoe, lle gwnaethon nhw arestio pum dyn ar amheuaeth o droseddau cyffuriau, gan atafaelu cyffuriau, offer a ffonau symudol.
Maent i gyd wedi eu cyhuddo bellach.
Mae dau ddyn o Dredegar, 22 a 28 oed, yn ogystal â dyn 22 oed o Frynmawr, wedi eu cyhuddo o gynllwynio i gyflenwi cyffuriau dosbarth A.
Cafodd dyn 19 oed a dyn 38 oed, y ddau o Frynmawr, eu cyhuddo o gynllwynio i gyflenwi cyffuriau dosbarth A a bod â chyffuriau Dosbarth A yn eu meddiant gyda'r bwriad o’u cyflenwi. Cafodd y dyn 38 oed hefyd ei gyhuddo o ymwneud â chyflenwi cyffuriau dosbarth A.
Mae disgwyl i’r dynion i gyd ymddangos yn Llys Ynadon Casnewydd heddiw, dydd Mawrth 18 Mawrth.