Dau arall wedi’u harestio yn ymchwiliad byrgleriaeth Pengam

Mae Heddlu Gwent wedi arestio dau ddyn mewn cysylltiad ag adroddiad am fyrgleriaeth ym Mhengam.

Galwyd swyddogion i Fair View yn dilyn adroddiad bod tri dyn wedi mynd i mewn i gyfeiriad tua 1.45am ddydd Mawrth 20 Mai.

Yn ôl y sôn ymosodwyd ar ddyn yn yr eiddo ac aeth i’r ysbyty’n ddiweddarach i gael triniaeth. Mae wedi cael ei ryddhau ers hynny.

Arestiwyd dyn 37 oed o ardal Wolverhampton a dyn 32 oed o ardal Stafford, y ddau ohonynt ar amheuaeth o fyrgleriaeth waethygedig. Cawsant eu rhyddhau ar fechnïaeth yn ddiweddarach.

Mae hyn ar ôl i swyddogion arestio dyn 37 oed o Lundain ar amheuaeth o fyrgleriaeth waethygedig, gyrru peryglus a bod ag arfau tanio yn ei feddiant.

Cafodd ei gyhuddo o yrru cerbyd modur yn beryglus, bod ag arf tanio yn ei feddiant a rhodio â chyfarpar byrglera a chafodd ei remandio i ymddangos gerbron Llys Ynadon Casnewydd.

Cafodd ei ryddhau dan ymchwiliad am fygythiadau i ladd a byrgleriaeth waethygedig bwriadol ac mae ymholiadau’n parhau.

Gofynnir i unrhyw un â gwybodaeth a allai gynorthwyo ein hymchwiliad ffonio 101, cysylltu â ni ar ein gwefan neu anfon neges uniongyrchol atom ni ar y cyfryngau cymdeithasol, gan grybwyll rhif cofnod 2500158756.

Gallwch gysylltu â Crimestoppers hefyd, yn ddienw, drwy ffonio 0800 555 111 neu drwy fynd ar eu gwefan i riportio ar-lein yn anhysbys.