Ymchwiliad i lofruddiaeth wedi’i lansio ym Mlaenafon

Mae Heddlu Gwent wedi lansio ymchwiliad i lofruddiaeth yn dilyn adroddiad bod dyn wedi derbyn anafiadau difrifol mewn cyfeiriad yn Riverside Drive, Blaenafon yn ystod oriau mân dydd Gwener 17 Hydref.

Aeth swyddogion, gan gynnwys swyddogion arfau tanio rhag ofn, parafeddygon o Wasanaeth Ambiwlans Cymru ac Ambiwlans Awyr Cymru i’r cyfeiriad.

Cyhoeddwyd bod dyn 47 oed o Flaenafon wedi marw ar y safle. Mae ei deulu wedi cael gwybod, ac mae swyddogion arbenigol wedi cael eu neilltuo i roi cymorth iddyn nhw trwy gydol yr ymchwiliad.

Mae dyn 34 oed o Dorfaen wedi cael ei arestio ar amheuaeth o lofruddiaeth, ac mae yn y ddalfa ar hyn o bryd.

Meddai’r Uwch-swyddog Ymchwilio, Ditectif Brif Arolygydd Jitka Tomkova-Griffiths: “Rydyn ni’n deall bod adroddiadau o’r natur yma’n gallu peri pryder, ond rydyn ni wedi arestio dyn o’r ardal ac nid ydyn ni’n chwilio am unrhyw un arall mewn cysylltiad â’r digwyddiad yma.

“Bydd preswylwyr yn gweld mwy o swyddogion heddlu yn yr ardal wrth i’n hymholiadau ni barhau. Os oes gan unrhyw un unrhyw wybodaeth, siaradwch gyda’n swyddogion neu cysylltwch â ni yn y modd arferol.”

Gall unrhyw un â gwybodaeth gysylltu a ni drwy ffonio 101, anfon neges uniongyrchol ar y cyfryngau cymdeithasol, neu drwy ddefnyddio’r ffurflen ar ein gwefan a chrybwyll rhif cofnod 2500331809.

Gallwch gysylltu â Crimestoppers yn ddienw hefyd, ar-lein neu ar y ffôn.