Carcharu deliwr cyffuriau a gafodd ei ddal yn cuddio mewn cwpwrdd
Cynnwys y prif erthygl
Cafodd Joland Giwa, sy’n cael ei adnabod dan yr enw "The General", ei arestio ym mis Chwefror ar ôl i'r heddlu, gyda chefnogaeth Gwasanaeth Awyr Cenedlaethol yr Heddlu, ddilyn ei gar i gyfeiriad yn Rhisga.
Roedd swyddogion eisiau siarad â Giwa mewn cysylltiad â throsedd arall, ond pan welodd y swyddogion rhedodd i mewn i'r eiddo a chuddio mewn cwpwrdd i fyny'r grisiau.
Plediodd y dyn 36 oed yn euog o fod â crac cocên yn ei feddiant gyda'r bwriad o’i gyflenwi, heroin yn ei feddiant gyda'r bwriad o’i gyflenwi, cocên yn ei feddiant gyda'r bwriad o’i gyflenwi ac eiddo troseddol yn ei feddiant, yn Llys y Goron Caerdydd ddydd Gwener 10 Ebrill.
Cafodd ei ddedfrydu i dair blynedd ac 11 mis yn y carchar.
Dywedodd y swyddog yn yr achos, DC Bradley: "Cafwyd hyd i Joland Giwa gyda gwerth bron i £16,000 o gyffuriau dosbarth A a mwy na £2,000 o arian parod ar ôl ceisio osgoi ein swyddogion.
"Ynghyd â'r negeseuon am gyffuriau a negeseuon testun yn hysbysebu gwerthu cyffuriau ar ei ffôn, nid oedd gan Giwa ddewis arall ond pledio'n euog.
“Rydym yn gwybod y dinistr y gall delio cyffuriau ei achosi yn ein cymunedau. Nid yw’r bobl hynny sy'n gysylltiedig â chyflenwi cyffuriau yn rhoi unrhyw ystyriaeth i'r bywydau y maen nhw’n effeithio arnynt a'r niwed y gallant ei achosi.
“Rydym yn gobeithio y bydd y ddedfryd hon yn dangos ein hymrwymiad i fynd ar drywydd y rhai sy'n ymwneud â throseddau difrifol a chyfundrefnol a'u dwyn i gyfiawnder."