Dau ddyn wedi’u cyhuddo yn dilyn ymgyrch siopladrad yng Nghasnewydd
Cynnwys y prif erthygl
Arestiodd swyddogion cymdogaeth ddau ddyn yn ystod ymgyrch ragweithiol i dargedu siopladron yn nwyrain Casnewydd ddydd Mawrth 11 Awst.
Cafodd swyddog ar batrôl adroddiad am ddyn yn dwyn dau focs o gig moch o gyfeiriad masnachol ar Heol Caerllion, Casnewydd, tua 3.05pm.
Rhedodd y swyddog, a oedd yn y siop adeg y lladrad honedig, ar ôl y drwgweithredwr ar ôl iddo ddianc o’r siop.
Daliodd y swyddog y drwgweithredwr ar Heol Junction ger Stryd Dean.
Arestiwyd Sam Mulligan, 36, ar amheuaeth o bedwar achos o ddwyn o siop.
Cafodd Mulligan, heb gartref sefydlog, ei gyhuddo o’r troseddau hyn.
Arestiodd swyddogion a oedd yn rhan o’r ymgyrch ddyn ar Heol Christchurch, Casnewydd, hefyd ar amheuaeth o naw achos o ddwyn o siop.
Cafodd Calum Edwards, 36, o Rodfa Fairoak, Casnewydd ei gyhuddo wedyn o 11 achos o ddwyn o siop a thorri Gorchymyn Ymddygiad Troseddol.
Cafodd y ddau ddyn eu remandio i’r ddalfa i ymddangos gerbron Llys Ynadon Casnewydd ddydd Mercher 12 Awst.