Fflat yng Nghasnewydd wedi ei chau gan yr heddlu ar ôl adroddiadau am ymddygiad gwrthgymdeithasol a phobl yn defnyddio cyffuriau anghyfreithiol

Mae fflat yng Nghasnewydd wedi cael ei chau gan yr heddlu yn dilyn adroddiadau am ymddygiad gwrthgymdeithasol a phobl yn defnyddio cyffuriau anghyfreithiol.

Mae Heddlu Gwent wedi ymateb i bryderon preswylwyr trwy sicrhau Gorchymyn Cau ar gyfer yr eiddo yn Raglan Court, Pilgwenlli.

Mae deiliaid y fflat wedi cael gorchymyn i adael a dod o hyd i lety arall.

Cymeradwywyd y gorchymyn cau, am gyfnod o dri mis, gan Lys Ynadon Casnewydd ddydd Gwener 6 Chwefror.

Meddai Cwnstabl Heddlu Claire Drayton, swyddog lleihau trosedd ac anhrefn (CADRO) tîm plismona cymdogaeth Casnewydd:

“Cawsom alwadau am ymddygiad gwrthgymdeithasol a phobl yn defnyddio cyffuriau anghyfreithlon yn y cyfeiriad yma ac roedd y bobl sy’n byw yn yr ardal yn teimlo nad oedden nhw’n gallu byw yn dawel a chyfforddus.

"Ymatebodd ein swyddogion i bryderon gan breswylwyr am yr anhrefn parhaus yn yr eiddo yma, ac arweiniodd hynny’n uniongyrchol at y gorchymyn cau yma.

"Hoffwn ddiolch i’r preswylwyr a wnaeth ymddiried ynof i; a siarad gyda mi am y problemau yn y fflat yma, ac am roi’r dystiolaeth angenrheidiol i mi er mwyn sicrhau gorchymyn cau heddiw.

" Rydyn ni’n gwybod bod ymddygiad gwrthgymdeithasol yn gallu cael effaith niweidiol yn ein cymunedau ac rydyn ni’n cymryd pryderon am gyffuriau anghyfreithiol o ddifrif.

"Gobeithio y bydd y gorchymyn cau yma’n tawelu meddyliau preswylwyr yn ardal Casnewydd ein bod yn gwrando ar eu pryderon, a’i fod yn dangos ein hymrwymiad i ymdrin ag ymddygiad gwrthgymdeithasol a diogelu ein cymunedau.”

Yn ystod cyfnod y gorchymyn yma, sy’n dod i ben XX XX XX, bydd unrhyw un sy’n ceisio mynd i mewn i’r adeilad hwn yn cyflawni trosedd, a gallai gael ei arestio.

Gofynnwn yn daer ar unrhyw un sy’n pryderu am ymddygiad gwrthgymdeithasol neu ymddygiad troseddol yn eu cymuned i gysylltu â ni er mwyn i ni weithredu.

Gallwch riportio ymddygiad gwrthgymdeithasol trwy:

Ffonio 101

Cysylltu â ni ar ein gwefan

Anfon neges uniongyrchol at ein tudalennau cyfryngau cymdeithasol Facebook neu X

Mewn argyfwng, ffoniwch 999 bob tro.