Apêl am dystion yn dilyn gwrthdrawiad traffig ffyrdd yng Nghasnewydd

Mae swyddogion yn apelio am dystion a lluniau camera cerbyd yn dilyn gwrthdrawiad traffig ffyrdd difrifol yng Nghasnewydd  ddydd Gwener 24 Gorffennaf.

Tua 1.50pm galwyd swyddogion i adroddiad o wrthdrawiad traffig ffyrdd ar y bont rhwng Blaina Wharf a Heol Sbyty, Casnewydd.

Roedd y gwrthdrawiad rhwng Honda 300 gwyn, Mercedes A160, a Skoda Fabia llwyd.

Cafodd reidiwr y beic modur, dyn 21 oed o Gasnewydd, anafiadau difrifol ac aethpwyd ag ef i’r ysbyty lle mae’n derbyn triniaeth ac mae mewn cyflwr difrifol ond sefydlog.

Caewyd y ffordd am nifer o oriau tra oedd y gwasanaethau brys yno ac wrth i swyddogion o’r Uned Ymchwilio Fforensig i Wrthdrawiadau gynnal archwiliad manwl.

Mae’r ffordd wedi ail agor ers hynny.

Mae swyddogion yn awyddus i glywed gan unrhyw un a welodd y gwrthdrawiad neu a allai fod wedi gweld y beic modur yn teithio yn yr ardal cyn y gwrthdrawiad.

Rydyn ni’n awyddus iawn i siarad â modurwyr a oedd yn teithio yn yr ardal rhwng 1.20pm a 2pm a allai fod wedi recordio lluniau ar gamera cerbyd, yn arbennig wrth deithio ar

• Heol Sbyty,
• y bont rhwng Blaina Wharf a Morrisons Sbyty
• Heol Corporation a’r llwybrau o gwmpas

Gofynnir i unrhyw un â gwybodaeth gysylltu â ni drwy ffonio 101, neu anfon neges atom ni ar y cyfryngau cymdeithasol gan grybwyll rhif cofnod 2600238609.

Gallwch roi gwybodaeth yn ddienw trwy Crimestoppers ar 0800 555 111 hefyd.