Carchar am dair blynedd a hanner i ddeliwr cyffuriau o Gasnewydd

Roedd pecynnau cocên a heroin, arian a ffonau symudol ymysg yr eitemau a atafaelwyd o gyfeiriad Shujer Hussain, yn dilyn adroddiadau ei fod yn ymwneud â chyflenwi cyffuriau.

Gweithredodd swyddogion Troseddau Cyfundrefnol Difrifol warant yng nghartref y dyn 45 oed ym mis Mehefin eleni.

Dangosodd negeseuon a ganfuwyd ar ffôn Hussain, ynghyd â’r cyffuriau a ganfuwyd yn ei gyfeiriad, ei fod yn ymwneud â chyflenwi crac cocên a heroin ar y strydoedd.

Carcharwyd y dyn o Gasnewydd am dair blynedd a hanner yn Llys y Goron Caerdydd ddydd Gwener 17 Gorffennaf.

Meddai Cwnstabl Heddlu Daniel Cleland, y swyddog yn yr achos: “Mae cyflenwi cyffuriau anghyfreithlon yn cael effaith ddinistriol ar ein cymunedau.

“Rydyn ni’n gobeithio bod y ddedfryd hon yn dangos bod ymdrin â phobl sy’n delio cyffuriau yn flaenoriaeth o hyd i ni a bod gwybodaeth gan y cyhoedd yn ein helpu ni i gael darlun clir o ble mae troseddau’n digwydd er mwyn i ni allu cynllunio a chynnal ymgyrchoedd rhagweithiol i arestio’r rhai sy’n gyfrifol.”