Dyn wedi’i gyhuddo o droseddau cyffuriau yn dilyn patrôl rhagweithiol yng Nghasnewydd

Wrth gynnal patrolau rhagweithiol yn ardal Maesglas yng Nghasnewydd tua 1pm ddydd Gwener 2 Hydref, gwelodd swyddogion o’n Tîm Gweithredu yn y Gymuned foped amheus.

Chwiliodd swyddogion yr ardal, a gwelsant y moped dan sylw yng ngardd cyfeiriad ar Bideford Road a gwelsant ddyn wrth y drws ffrynt.

Daliodd swyddogion y dyn wrth iddo geisio ffoi drwy ardd gefn y cyfeiriad.
Chwiliodd swyddogion y cyfeiriad a gwnaethant atafaelu cocên, canabis, arian parod, ffonau symudol a geriach cyffuriau.

Cafodd y dyn 24 oed ei arestio ar amheuaeth o fod â chocên a chanabis yn ei feddiant gyda’r bwriad o gyflenwi, a rhwystro/gwrthsefyll cwnstabl wrth iddo gyflawni ei ddyletswydd.

Cafodd Liam Cogdell, o Cormorant Way, Dyffryn, Casnewydd, ei gyhuddo o’r troseddau hyn a’i remandio i’r ddalfa i ymddangos gerbron Llys Ynadon Casnewydd ddydd Llun 5 Hydref.

Cafodd dwy fenyw, 18 a 36 oed, hefyd o Gasnewydd, eu harestio hefyd ar amheuaeth o fod â chocên a chanabis yn eu meddiant gyda’r bwriad o gyflenwi, a chaffael/defnyddio/meddu ar eiddo troseddol.

Cafodd y ddwy ohonynt eu rhyddhau ar fechnïaeth amodol yr heddlu wrth i’n hymholiadau barhau.