Diweddariad ar y gwasanaeth trwyddedu arfau tanio

Statws gwasanaeth: oedi cymedrol

Rydym yn gweithio i ymdrin â llwyth o geisiadau newydd sydd wedi cronni, felly yn anffodus ni allwn warantu ein hamserlen safonol. 

Ymddiheurwn am unrhyw anghyfleustra i chi. 

Yn ystod y cyfnod yma:

• Byddwn ond yn cysylltu â chi os oes gennym ni gwestiynau am eich cais, os oes angen gofyn am fwy o wybodaeth, neu i drefnu i ymweld â’ch cartref.
• Ni fyddwn yn derbyn ceisiadau sy’n cael eu cyflwyno heb y profforma meddygol cyflawn. Bydd angen i chi gyflwyno cais newydd. Byddwn yn rhoi ad-daliad i chi am eich cais gwreiddiol.
• Mae’n debygol o gymryd isafswm o 25 wythnos o ddyddiad eich cais i ni gysylltu â chi.

Sylwer: byddwn yn ymdrin â cheisiadau adnewyddu yn amserol a chyn y dyddiad dod i ben, os byddwch yn cyflwyno eich cais wyth wythnos ymlaen llaw, gyda’r wybodaeth angenrheidiol ac adroddiad cyflawn gan feddyg teulu.

Os nad yw hyn yn  berthnasol, ni fyddwn yn cyflwyno estyniad na thrwydded dros dro a bydd angen i chi  fynd â’ch drylliau i gael eu cadw gan ddeliwr arfau tanio neu ddeiliad trwydded arall os nad ydych wedi cyflwyno ar amser; neu os ydym yn dweud bod rhaid i chi fynd â’ch drylliau i gael eu cadw gan ddeliwr arfau tanio neu ddeiliad trwydded arall oherwydd problemau gyda chais sydd wedi ei gyflwyno neu ddiffyg gwybodaeth.

Cysylltwch â’r tîm arfau tanio os oes gennych chi unrhyw ymholiadau.