Gwrthdrawiad traffig ffyrdd marwol ym Medwas

Mae swyddogion yn apelio ar dystion, neu unrhyw un â delweddau CCTV neu gamera car, i gysylltu â nhw yn dilyn y gwrthdrawiad yn Heol Pandy.

Rydym yn apelio am wybodaeth i gynorthwyo swyddogion sy’n ymchwilio i wrthdrawiad traffig ffyrdd marwol ar Heol Pandy, Bedwas tua 1pm dydd Sadwrn 25 Medi.

Aeth swyddogion i safle’r gwrthdrawiad, ynghyd â pharafeddygon o Ambiwlans Awyr Cymru a Gwasanaeth Ambiwlans Cymru, i gynorthwyo i reoli traffig.

Roedd y gwrthdrawiad rhwng beic, Ford Transit a dau gerbyd arall – Hyundai Tucson a Vauxhall Vivaro – a oedd wedi parcio ar y pryd.

Cyhoeddodd meddyg ambiwlans awyr fod y seiclwr, dyn 76 oed o ardal Bedwas, wedi marw yn y fan a’r lle.

Arestiwyd dyn 50 oed o Fedwas ar amheuaeth o achosi marwolaeth drwy yrru’n beryglus. Mae wedi cael ei ryddhau tra bod yr ymchwiliad yn mynd yn ei flaen.

Mae ymholiadau’n parhau a gofynnwn i unrhyw un a oedd yn ardal Heol Pandy ym Medwas rhwng 12.45pm a 1.15pm gysylltu â ni.

Rydym yn apelio ar unrhyw un a allai fod wedi gweld y gwrthdrawiad, nad ydynt wedi siarad â swyddogion eto, i gysylltu â ni.

Gofynnwn yn daer ar unrhyw fodurwyr â delweddau CCTV neu gamera car o’r ardal adeg y gwrthdrawiad i gyflwyno eu hunain hefyd.

Gall unrhyw un ag unrhyw wybodaeth gysylltu â ni ar 101, gan grybwyll rhif cofnod 2100338341. Gallwch anfon neges uniongyrchol atom ar Facebook neu Twitter hefyd.

Fel arall, gallwch ffonio Crimestoppers yn ddienw ar 0800 555 111.