UPDATE: Markham road traffic collision
Cynnwys y prif erthygl
Mae menyw 67 oed o’r Coed Duon wedi marw yn dilyn gwrthdrawiad ar Heol Pant y Cefn, Markham tua 11.20am fore Gwener 9 Rhagfyr.
Daeth swyddogion yr heddlu i leoliad y gwrthdrawiad i gynorthwyo drwy reoli’r traffig, ynghyd â phersonél o Wasanaeth Ambiwlans Cymru ac Ambiwlans Awyr Cymru. Roedd y gwrthdrawiad rhwng Nissan Navara lliw arian a cherddwr.
Aed â’r cerddwr, menyw a oedd yn 66 oed ar y pryd, i Ysbyty Athrofaol Cymru yng Nghaerdydd ag anafiadau difrifol ac yn drist, bu farw yn ddiweddarach o’i hanafiadau.
Ei henw oedd Sandra Chamberlain. Mae ei pherthnasau agos yn cael cymorth gan swyddogion arbenigol.
Arestiwyd menyw 39 oed o ardal Markham ar amheuaeth o achosi anaf difrifol drwy yrru’n beryglus. Mae hi wedi ei rhyddhau dan ymchwiliad.
Rydym yn gofyn i unrhyw un â gwybodaeth, gan gynnwys lluniau teledu cylch gyfyng neu luniau dashfwrdd o ardal Markham, rhwng 10.45am a 11.30am fore Gwener 9 Rhagfyr, i gysylltu â ni.
Gallwch ffonio 101 neu anfon neges uniongyrchol atom ar y cyfryngau cymdeithasol, gan ddyfynnu cyfeirnod log 2200413373, neu gysylltu â Crimestoppers yn ddienw ar 0800 555 111 â manylion.