Pumed dyn wedi’i gyhuddo mewn cysylltiad ag ymchwiliad i gylch cyffuriau
Cynnwys y prif erthygl
Arestiwyd dyn 28 oed o Gaerdydd ar amheuaeth o dri chownt o gynllwynio i gyflenwi cyffuriau dosbarth A a B a chafodd ei gyhuddo o’r drosedd hon yn ddiweddarach.
Rydym wedi cyhuddo pumed person cysylltiedig ag ymchwiliad i grŵp troseddol rydym yn amau sy’n gweithredu ledled Gwent.
Arestiodd ditectifs ddyn 28 oed o Gaerdydd ar amheuaeth o ddau gownt o gynllwynio i gyflenwi cyffuriau dosbarth A a chyflenwi cyffuriau dosbarth B.
Cafodd ei gyhuddo o’r troseddau yma’n ddiweddarach ac ymddangosodd gerbron Llys Ynadon Casnewydd y bore yma.
Mae hyn ar ôl cyfres o warantau a weithredwyd gan swyddogion yn ystod oriau mân dydd Mawrth 24 Medi, pan wnaethant arestio nifer o bobl ar amheuaeth o ymwneud â chynllwynio i gyflenwi cyffuriau.
Yn dilyn hyn, cafodd dau ddyn, 25 a 21 oed, eu cyhuddo o gynllwynio i gyflenwi cyffuriau dosbarth A a B ynghyd â thrydydd dyn, 20 oed, a gafodd ei gyhuddo o fod â chyffur dosbarth B yn ei feddiant hefyd.
Cafodd menyw 28 oed ei chyhuddo o fod ag eiddo troseddol yn ei meddiant a chynllwynio i gyflenwi cyffur dosbarth A.
Os oes gennych chi unrhyw wybodaeth, riportiwch ar ein gwefan, anfonwch neges atom ni ar gyfryngau cymdeithasol, neu ffoniwch ni ar 101.
Fel arall, gallwch ffonio Crimestoppers ar 0800 555 111.
Mewn argyfwng, ffoniwch 999 bob tro.