Arestio dyn mewn cysylltiad ag ymosodiad yng Nghasnewydd

Cawsom adroddiad am ymosodiad ger Maesglas Crescent, Casnewydd, tua 10pm ddydd Mercher 27 Mai.

Aeth swyddogion yno, ynghyd â pharafeddygon o Wasanaeth Ambiwlans Cymru, a chafodd dyn 32 oed ei gludo i'r ysbyty am driniaeth i anafiadau i'w fraich a'i goes.

Cafodd dyn 31 oed o ardal Cwmcarn ei arestio ar amheuaeth o ymosodiad adran 18 ac mae'n parhau yn y ddalfa wrth i'r ymholiadau barhau.

Dywedodd y Prif Uwch-arolygydd John Davies: 

“Bydd ein swyddogion yn cynnal ymholiadau yn yr ardal yn dilyn yr adroddiad o'r ymosodiad hwn felly mae'n bosibl y byddwch yn gweld presenoldeb ychwanegol yr heddlu yn y rhan hon o Gasnewydd.

“Er mai digwyddiad ynysig yw hwn ac nad oes unrhyw fygythiad pellach i'r cyhoedd, rydym yn deall y gallai'r mater hwn achosi pryder ymhlith aelodau o'n cymunedau.

“Felly byddem yn gofyn i unrhyw un sydd â phryderon, neu'n bwysicach, gwybodaeth am yr ymosodiad, ddod i siarad â'n swyddogion neu gallwch hefyd gysylltu â ni yn y ffordd arferol."

Cynorthwywyd swyddogion hefyd gan gydweithwyr o Wasanaeth Awyr Cenedlaethol yr Heddlu.

Mae ymholiadau'n parhau, a gofynnir i unrhyw un sydd â gwybodaeth ffonio 101, mynd i'n gwefan neu anfon neges uniongyrchol atom ar y cyfryngau cymdeithasol, gan ddyfynnu cyfeirnod log 2600165969.

Gallwch hefyd gysylltu â Crimestoppers yn ddienw gyda manylion.