Grŵp Cydlyniant Cymunedol

• Gweithredu fel 'Cyfaill Beirniadol' ar faterion sy'n effeithio ar gymunedau yng Ngwent
• meithrin ymddiriedaeth a hyder mewn plismona ymysg cymunedau
• rhoi cyngor adeiladol i'r sefydliad ar ffyrdd i wella'r gwasanaeth a ddarperir i bob cymuned
• edrych ar bolisïau, arferion a gweithdrefnau sefydliadol a rhoi cyngor ar sut y gellir eu gwella
• rhoi cyngor i'r heddlu ar y ffordd orau i ymgysylltu'n barhaus gyda’n cymunedau
• annog perthynas gyfiawn a theg rhwng Heddlu Gwent a chymunedau Gwent
• cynnig dolen i gymunedau nad ydynt wedi cael cyfleoedd priodol i ymgysylltu'n gadarnhaol â Heddlu Gwent yn flaenorol er mwyn gweithredu fel 'Cyfaill Beirniadol'
• rhoi cyngor o safbwynt cymuned ar weithgareddau, gweithdrefnau ac ymgyrchoedd plismona.

Mae aelodaeth o'r Grŵp Cydlyniant Cymunedol yn wirfoddol. 

• Mynychu cyfarfodydd y Grŵp Cydlyniant Cymunedol (bob tri mis fel arfer)
• bod yn barod i weithio ar ystod eang o faterion sy'n effeithio ar y berthynas rhwng yr heddlu a chymunedau
• rhoi cyngor ar amrywiaeth o faterion plismona sy'n effeithio ar y gymuned, gan gynnwys:
  • cyfathrebu
  • hyfforddiant yr heddlu
  • plismona cymdogaeth
  • perthynas â'r gymuned
  • ymateb yr heddlu
  • stopio a chwilio
• cynnal cysylltiadau priodol ac atebol gyda'r cymunedau a/neu grwpiau perthnasol yr ydych yn eu cynrychioli
• rhoi cyngor annibynnol ar faterion sydd o ddiddordeb i'r gymuned a phlismona yng Ngwent
• mynychu a chymryd rhan mewn cyfarfodydd arfaethedig i ymgynghori â'r gymuned
• cynnal ymchwil a chyfrannu at ymchwil yn ôl yr angen.

Dyma'r rhinweddau a sgiliau personol allweddol sydd eu hangen arnoch i'ch galluogi chi i gyflawni swyddogaethau aelod o'r Grŵp Cydlyniant Cymunedol.

Mae'n bwysig eich bod chi'n gallu:

• rhoi amser, egni ac ymrwymiad i fynychu cyfarfodydd yn rheolaidd
• ystyried a gwrando ar farn a safbwyntiau pobl eraill
• cwestiynu a herio barn pobl eraill mewn ffordd adeiladol
• ystyried eich gwerthoedd a'ch credoau eich hun
• bod yn agored i newid
• mynegi eich barn a safbwyntiau yn hyderus
• gweithio fel aelod o dîm a chyfrannu at lwyddiant menter grŵp
• gweithio gyda phob cymuned ledled ardal Gwent
• cyfrannu at ddylanwadu ar strategaeth, polisi a hyfforddiant plismona.

Byddai'n ddefnyddiol pe bai gennych chi brofiad o'r canlynol hefyd:

• gweithio fel tîm gyda phobl eraill ar faterion o ddiddordeb cyffredin (e.e. gwaith gwirfoddol)
• rhannu eich dealltwriaeth a'ch barn ar faterion gyda phobl eraill (e.e. mewn teulu, cymuned neu leoliad gwaith)
• sefyllfaoedd lle mae angen i chi gyfaddawdu
• cydbwyso ymrwymiadau ac amser yn effeithiol
• gwneud penderfyniadau fel rhan o dîm neu grŵp.

Rydym yn chwilio am gynrychiolwyr sy'n adlewyrchu pob cymuned sydd gennym ni yng Ngwent. Mae gennym ddiddordeb arbennig mewn derbyn ceisiadau gan bobl sy'n cynrychioli:

• cymunedau dwyrain ewropeaidd
• cymunedau du, asiaidd a lleiafrifoedd ethnig
• cymunedau lesbiaidd, hoyw, deurywiol, trawsryweddol
• sipsiwn / teithwyr
• ceiswyr lloches a ffoaduriaid
• pobl hŷn a phobl ifanc
• pobl ag anableddau
• siaradwyr a dysgwyr Cymraeg
• cymunedau ffydd.

Nid oes angen unrhyw brofiad cyfreithiol na gwybodaeth am arferion plismona arnoch chi, ond mae angen i chi fod yn angerddol dros sicrhau bod llais eich cymuned yn cael ei glywed, ac yn ymroddedig i wneud gwahaniaeth i'r ffordd mae gwasanaethau plismona'n cael eu darparu.

Byddai'n ddefnyddiol pe bai gennych chi gysylltiadau cadarn gyda chymuned benodol yn ardal Gwent hefyd, y byddech yn gallu ymgynghori â hi ar ein rhan a rhoi adborth i ni am unrhyw bryderon sy'n codi.

Bydd hyd at 30 cynrychiolydd yn y Grŵp Cydlyniant Cymunedol a bydd pob cais a dderbynnir yn cael ei adolygu gan yr aelodau presennol, ynghyd â chynrychiolwyr uwch o'r Heddlu.

Anfonwch e-bost at y cyfeiriad isod a gofyn am becyn ymgeisio.  Rhowch wybod i ni os oes angen fersiwn print mawr, Braille neu fersiwn Saesneg arnoch chi.

Anfonwch eich ymholiad trwy e-bost at: Gareth Hughes, Pennaeth Amrywiaeth a Chynhwysiant: [email protected]