Mudiadau cymorth i ddioddefwyr a thystion
| 1. Beth i'w ddisgwyl fel dioddefwr neu dyst i drosedd |
| 2. Beth sy'n digwydd ar ôl ichi riportio trosedd? |
| 3. Cynllun Hawl Dioddefwyr i Adolygiad |
| 4. Rhoi datganiad tyst neu ddatganiad dioddefwr |
| 5. Mynd i'r llys |
| 6. Beth sy'n digwydd ar ôl y treial? |
| 7. Mudiadau cymorth i ddioddefwyr a thystion |
Mae Connect Gwent yn hyb aml-asiantaeth i ddioddefwyr, sy'n dwyn ynghyd amryw o sefydliadau i roi cymorth i'r rhai y mae troseddau yng Ngwent yn effeithio arnyn nhw.
Yr Uned Gofal Dioddefwyr
Bydd yr Uned Gofal Dioddefwyr yn cysylltu â chi ar ôl trosedd neu achos o ymddygiad gwrthgymdeithasol i drafod a threfnu unrhyw gymorth sydd ei angen arnoch chi. Bydd hefyd yn rhoi gwybodaeth i chi am eich hawliau fel dioddefwr a’r hyn y gallwch ei ddisgwyl gan y system cyfiawnder troseddol. Os bydd ymchwiliad parhaus bydd Swyddog Gofal Dioddefwyr yn cael ei neilltuo ar eich cyfer a fydd yn cadw mewn cysylltiad â chi ac yn sicrhau eich bod yn derbyn gwybodaeth reolaidd am yr ymchwiliad. Mewn rhai amgylchiadau bydd swyddog arbenigol yn cysylltu â chi yn hytrach na’r Uned Gofal Dioddefwyr.
Elusen genedlaethol sy'n ymroi i helpu unrhyw un y mae troseddau'n effeithio arnyn nhw i ymdopi â'u profiad ac ymadfer ohono. Mae'n cynnig gwasanaethau nid yn unig i ddioddefwyr a thystion, ond hefyd i'w ffrindiau a'u teuluoedd.
Os nad oes ganddyn nhw swyddfa yn eich ardal chi, gallan nhw eich cyfeirio at gymorth lleol.
Maen nhw hefyd yn rhedeg My Support Space, sef lle diogel a chyfrinachol am ddim lle gallwch ddewis sut gymorth yr hoffech ei gael. Cofrestrwch ar gyfer My Support Space - mae’n gyflym ac yn hawdd.
Gwasanaeth Tystion Cyngor ar Bopeth
Elusen genedlaethol a rhwydwaith o elusennau lleol sy'n cynnig cyngor cyfrinachol ar-lein, dros y ffôn, ac yn bersonol, am ddim.
Os ydych chi’n dyst mewn llys troseddol yng Nghymru neu Loegr, gallwch gael cymorth annibynnol am ddim gan Citizens Advice Witness Service. Does dim ots ar ran pwy rydych chi'n tystio, rydych chi’n dal yn gallu cael help.
Gwybodaeth i ddioddefwyr a thystion
Gwefan sy'n helpu dioddefwyr a thystion troseddau yng Nghymru a Lloegr. Mae ganddyn nhw wybodaeth am yr hyn sy'n digwydd ar ôl ichi riportio trosedd, y bobl y gallech gyfarfod â nhw, y cymorth y dylech ei gael a sut i gwyno os aiff rhywbeth o'i le.