Gweithredu Cadarnhaol
Gweithio i sicrhau gweithlu cynrychiadol
Mae Heddlu Gwent wedi ymrwymo'n gadarn i werthfawrogi gwahaniaeth ac annog cynhwysiant - o fewn ein sefydliad a thrwy'r gwasanaeth rydym yn ei ddarparu. Un o'r ffyrdd y gallwn sicrhau ein bod yn darparu gwasanaeth sy'n diwallu anghenion y cyhoedd yw cael gweithlu sy'n adlewyrchu ein cymunedau. Mae hyn yn golygu ein bod yn denu, recriwtio a chadw gweithlu amrywiol.
Yn rhan o'n dyletswydd cydraddoldeb a amlinellir yn y Ddeddf Cydraddoldeb 2010, mae dyletswydd ar Heddlu Gwent i ddileu anfanteision i bobl ag unrhyw rai o'r nodweddion gwarchodedig (sef oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil, crefydd neu gred, rhyw, a chyfeiriadedd rhywiol). Ein nod yw cyflawni hyn trwy ymgysylltu â'n cymunedau amrywiol a thrwy ymgyrchoedd gweithredu cadarnhaol.
Beth mae hyn yn ei olygu?
O safbwynt recriwtio, mae hyn yn golygu bod angen i ni ddeall unrhyw beth sy'n rhwystro pobl sy'n rhannu nodweddion gwarchodedig rhag ymuno â Heddlu Gwent a gweithio i gael gwared arno. Mae hefyd yn golygu bod angen i ni ddeall demograffeg ein gweithlu (er enghraifft, faint o swyddogion o gefndir ethnig leiafrifol sydd gennym ni) ac os yw'r niferoedd yn is nac y dylent fod, gweithio i newid hyn.
Beth yw camau gweithredu cadarnhaol?
Mae gweithredu cadarnhaol yn cyfeirio at yr ymgyrchoedd rydym yn eu cynnal i ddileu rhwystrau ac annog grwpiau heb gynrychiolaeth ddigonol i ymuno â Heddlu Gwent. Byddwn yn gwneud hyn mewn sawl ffordd, gan gynnwys (ond nid yn unig):
- Ffurfio partneriaethau gyda sefydliadau a grwpiau cymunedau lleol
- Cyfeirio ein hysbysebu tuag at gymunedau sydd heb gynrychiolaeth ddigonol ar hyn o bryd
- Hyfforddi a mentora
- Cynnig cyswllt gyda chwnstabliaid heddlu/swyddogion cymorth cymunedol presennol i ddysgu o'u profiadau nhw
- Cynnal sesiynau ymwybyddiaeth ar gyfloedd a recriwtio yn Heddlu Gwent
- Cynllun 'ride along'.
Sylwer: Mae ymgeiswyr yn cael eu dewis heb wahaniaethu ac ar sail haeddiant yn unig. Nid dileu cystadleuaeth yw nod gweithredu cadarnhaol a bydd Heddlu Gwent yn chwilio am yr ymgeiswyr gorau bob tro.
Cwrdd â’r tîm Camau Gweithredu Cadarnhaol
Os oes gennych unrhyw gwestiynau neu os hoffech ragor o fanylion am y mentrau camau gweithredu cadarnhaol yr ydym yn eu datblygu yn Heddlu Gwent, cysylltwch â Brian Amos neu Clare Gibson drwy e-bost:
Digwyddiadau gweithredu cadarnhaol
Rydym yn cynnal rhaglen o sesiynau i wneud pobl yn ymwybodol o weithredu cadarnhaol gydol y flwyddyn i bobl o grwpiau sydd ddim yn cael eu cynrychioli'n ddigonol sydd â diddordeb mewn dod yn Swyddog Heddlu, Swyddog Cymorth Cymunedol, Cwnstabl Gwirfoddol neu aelod o staff yr heddlu.
Ymunwch â ni i ddysgu mwy am y swyddi sydd ar gael a sut beth yw gweithio i Heddlu Gwent. Cewch gyfle i gwrdd â swyddogion a staff sy'n gwasanaethu, clywed am eu profiadau a dysgu am y gwahanol yrfaoedd sydd ar agor i chi.
Digwyddiadau
Oes gennych ddiddordeb mewn ymuno â ni?
Pa gymorth ychwanegol sydd ar gael?
Mae amrywiaeth o gymdeithasau, rhwydweithiau a grwpiau sy’n cynorthwyo ein gweithlu ac mae gan Heddlu Gwent ystod o fentrau a chynlluniau i helpu cyd-weithwyr i ddatblygu.
Mae ein rhwydweithiau staff yn cynnig cymorth a chyfeillgarwch i’n swyddogion, y staff a’r gymuned leol. Maen nhw’n gweithio i gynorthwyo a chynghori cydweithwyr yn genedlaethol ac rydym yn falch o’r rhan weithredol sydd ganddyn nhw o ran dylanwadu ar blismona ledled y DU.
Mae’r rhwydweithiau a’r cymdeithasau yn cynnwys:
- Rhwydwaith Cymorth Anabledd
- Menywod Gwent ym Maes Plismona (GWiP)
- Cymdeithas Lleiafrifoedd Ethnig Gwent (GEMA)
- Rhwydwaith LHDT
- Cymdeithas Gristnogol yr Heddlu
- Grŵp Cymorth Iechyd Meddwl
- Chwaraeon yr Heddlu Gwent
- Cymdeithas Uwch-arolygwyr Heddlu Gwent
- Rhwydwaith Siaradwyr a Dysgwyr Cymraeg
- Unison a
- Ffederasiwn yr Heddlu.
Dim ond Swyddogion yr Heddlu all ymuno â Ffederasiwn yr Heddlu, os ydych chi’n penderfynu ymuno â Ffederasiwn yr Heddlu, gallwch ddewis ymuno â chynllun yswiriant bywyd a’r dyfarniadau yn daladwy i’ch priod neu’ch partner, ac i unrhyw ddibynyddion. Yn ogystal â gallu cael yswiriant salwch ac afiechyd hanfodol, gallwch gael yswiriant, ar gost ffafriol, i dalu am unrhyw dreuliau cyfreithiol sy’n gysylltiedig â’ch swydd, a gallwch hefyd ddefnyddio’r cyfleusterau adsefydlu gorau.
Mae’r IAG yn grŵp o bobl sy’n annibynnol ar Heddlu Gwent ond yn gweithio mewn partneriaeth â ni fel ein ‘ffrindiau beirniadol’. Mae’r grŵp yn cynnwys pobl o gefndiroedd gwahanol y gymuned leol ac yn cynnig cyngor annibynnol i’r heddlu ar bolisïau lleol/yr heddlu, strategaethau, cynlluniau cyflawni a phryderon y gymuned.
Mae cael IAG yn helpu i sicrhau bod Heddlu Gwent yn ymddwyn yn deg, heb wahaniaethu ac yn ystyried sut mae ein camau gweithredu yn effeithio ar ein cymunedau.
Y Cynllun Cysgodi
Mae’r Cynllun Cysgodi’n cynnig cyfle i aelodau’r cyhoedd ymuno â’n swyddogion ar batrôl a chael profiad uniongyrchol o blismona bob dydd.
Oes gennych chi ddiddordeb mewn dysgu mwy amdanom ni? Cliciwch isod.
Heb ddod o hyd i’r hyn yr oeddech yn chwilio amdano?
Os oes gennych chi gwestiynau am y broses recriwtio, anfonwch e-bost atom.
Gallwch hefyd ein dilyn ni ar Facebook a X i gael yr wybodaeth ddiweddaraf ar y broses recriwtio a gweithgareddau'r heddlu yn eich ardal chi.
